अभिनेते कमल हासन यांचा ट्विटरवरुन मुख्यमंत्र्यावर हल्लाबोल

भ्रष्टाचार आणि वाढत्या गुन्हेगारीवरुन अभिनेते कमल हासन यांनी तामिळनाडूचे मुख्यमंत्री ई. पलानीस्वामी यांच्यावर ट्विटरच्या माध्यमातून हल्लाबोल केला आहे. 

मुंबई, दि. 15 -  भ्रष्टाचार आणि वाढत्या गुन्हेगारीवरुन अभिनेते कमल हासन यांनी तामिळनाडूचे मुख्यमंत्री ई. पलानीस्वामी यांच्यावर ट्विटरच्या माध्यमातून हल्लाबोल केला आहे. 
अभिनेते कमल हासन यांनी भ्रष्टाचार आणि गुन्हेगारीवर प्रश्नचिन्ह उपरस्थित केला आहे. त्यांनी ट्विटरवर, जर एका राज्याच्या मुख्यमंत्र्यांच्या कार्यकाळात एखादी दुर्घटना किंवा भ्रष्टाचार झाला, तर राजीनामा दिला पाहिजे. असे असताना कोणत्याही पक्षाने तामिळनाडूच्या मुख्यमंत्र्यांचा राजीनामा का नाही मागितला, असा सवाल केला आहे. तामिळनाडूमध्ये गुन्हेगारी मोठ्याप्रमाणात वाढली आहे. दरम्यान, कमल हासन यांनी तामिळनाडूतील अनेक नेत्यांवर आरोप केले आहे. तसेच, येथील राजकीय घडामोडींवर तीव्र प्रतिक्रिया सुद्धा त्यांनी दिली आहे. मात्र, यावेळी कमल हासन यांनी थेट मुख्यमंत्री ई. पलानीस्वामी यांच्यावर हल्लाबोल केला. तसेच, गेल्या काही दिवसांपासून कमल हासन राजकीय वर्तुळात चालणा-या घडामोडींवर जास्त ट्विट करताना दिसून येत आहे. यावरुन त्यांची राजकारणात जाण्याची शक्यता असल्याचेही वर्तविण्यात येत आहे. 

If one state's CM should resign for a mishap & corruption under his govt. How come no party calls for resignation in TN. Enough crimes done

— Kamal Haasan (@ikamalhaasan) August 15, 2017

याचबरोबर, कमल हासन यांनी आणखी एक ट्विट केले असून यामध्ये त्यांनी तामिळनाडू राज्य अधिक चांगले बनविण्याचे लक्ष असल्याचे म्हटले आहे. माझा आवाज बळकट करण्याची कुणामध्ये हिम्मत आहे, असा सवाल करत DMK, AIADMK आणि इतर पक्ष मदत करु शकतात. शिवाय पक्षांकडून मदत नाही मिळाला, तर दुसरा मार्ग शोधू, असे म्हटले आहे. 

My aim is a better Tamilnadu.Who dares to strengthen my voice? DMK AIADMK & parties R tools to help. If those tools R blunt find others.

— Kamal Haasan (@ikamalhaasan) August 15, 2017

कमल हासन आणि सुब्रमण्यम स्वामी यांच्यात ट्विटर वॉर
चेन्नईमध्ये दोन नावाजलेल्या व्यक्तींची घरं एकमेकांपासून 3 किलोमीटरच्या अंतरावर आहेत. मात्र या दोघांमध्ये शत्रू देशांसारखं नातं आहे. ते दोघे दुसरे, तिसरे कोणी नसून कमल हासन आणि सुब्रमण्यम स्वामी आहेत. एक राज्यसभेचे खासदार आहेत, तर दुसरे दाक्षिणात्य सुपरस्टार आहेत. गेल्या काही दिवसांपूर्वी या दोघांमध्ये ट्विटर वॉर झाल्याचे पाहायला मिळाले. 
 

சுதந்திரம் ஊழலலிருந்து நாம் பெறாத வரையில் இன்றும் நாம் அடிமைகளே. புதிய சுதந்திரப் போராட்டத்திற்க்கு சூளுரைக்கத் துணிவுள்ளவர் வாரும் வெல்வோம்

— Kamal Haasan (@ikamalhaasan) August 15, 2017