नाशिकरोड परिसरात वेगवेगळ्या घटनांमध्ये दोघांचा मृत्यू

नाशिक : नाशिकरोड परिसरातील दोन वेगवेगळ्या घटनांमध्ये दोघांचा मृत्यू झाल्याची घटना मंगळवारी (दि़४) घडली़

ठळक मुद्देगोदान एक्स्प्रेसखाली उडी घेऊन अज्ञात इसमाने आत्महत्यादारणा नदीपात्र पुलाजवळ एका अज्ञाताचा मृतदेह

नाशिक : नाशिकरोड परिसरातील दोन वेगवेगळ्या घटनांमध्ये दोघांचा मृत्यू झाल्याची घटना मंगळवारी (दि़४) घडली़

नाशिकरोड रेल्वेच्या डाउन लाइनवरून जाणाऱ्या गोदान एक्स्प्रेसखाली उडी घेऊन अज्ञात इसमाने आत्महत्या केल्याची घटना दुपारी तीन वाजेच्या सुमारास घडली़ साधारणत: ४० वर्षीय इसमाने डाउन लाइन पोल नंबर १९०/७ जवळ गोदान एक्स्प्रेससमोर (गाडी नंबर ११०५) स्वत:ला झोकून दिले़ गोदान एक्स्प्रेसच्या चालकाने नाशिकरोड रेल्वेस्थानक उपस्टेशनचे प्रबंधक आर. बी. गरुड यांना माहिती दिल्यानंतर त्यांनी नाशिकरोड पोलिसांना कळविले़ दरम्यान, या घटनेची नाशिकरोड पोलीस ठाण्यात नोंद करण्यात आली आहे़

नाशिकरोडच्या दारणा नदीपात्र पुलाजवळ एका अज्ञाताचा मृतदेह आढळून आल्याची घटना मंगळवारी (दि़४) सायंकाळच्या सुमारास उघडकीस आली़ अज्ञात इसमाचा हा मृतदेह पुलाजवळ पालथ्या अवस्थेत पडलेला दिसल्याने शशिकांत आवारे (रा. चेहेडी जकात नाक्याजवळ) यांनी नाशिकरोड पोलिसांना सदर माहिती दिली़ दरम्यान, या मृतदेहाची ओळख पटलेली नसून याप्रकरणी नाशिकरोड पोलीस ठाण्यात अकस्मात मृत्यूची नोंद करण्यात आली आहे.