क्रांती मोर्चाच्या अनुषंगाने सकल मराठा समाज एकवटला!

मराठा समाजाची बैठक वाशिम येथे ७ सप्टेंबर रोजी दुपारी ३ वाजता आयोजित करण्यात आली होती.

नंदकिशोर नारे/ऑनलाइन लोकमत

वाशिम, दि. 7 - कोपर्डी येथील घटनेतील आरोपींना फाशी देण्यासोबतच विविध मागण्यांसंदर्भात जिल्ह्यातील सकल मराठा समाज बांधवांच्या वतीने क्रांती मोर्चाच्या आयोजनानिमित्त सकल मराठा समाजाची बैठक वाशिम येथे ७ सप्टेंबर रोजी दुपारी ३ वाजता आयोजित करण्यात आली होती. मराठा समाजाची कोणतीही संघटना नसल्याने यानिमित्त सकल मराठा समाज एकवटलेला दिसून आला.
येथील वाटाणे मंगल कार्यालयात आयोजित बैठकीमध्ये कोणीही बैठकीचा अध्यक्ष, प्रमुख पाहुणा न ठेवता येणारा प्रत्येक जण चटईवर बसून आपापले विचार व्यक्त करत होता. प्रथमताच एवढ्या मोठया प्रमाणात सकल मराठा समाज एकवटल्याचे या बैठकीतून दिसून आले.