प्रेताजवळ आरतीसाठी वानर राजाची हजेरी

सायगाव येथील घटना

ठळक मुद्देवानराने मयताच्या डोक्यावर फिरवला हातसारेच झाले अवाकप्रेताजवळ आरतीसाठी वानर राजाची हजेरी

सायगाव, ता.चाळीसगाव, दि. 4 - प्रगतीशील शेतकरी सुकदेव धर्मा रोकडे यांच्या अंत्यसंस्काराच्या वेळी आरती सुरू असताना वानर राजाने हजेरी लावली. आरती होईर्पयत ते सुजाणपणे बसले. यामुळे सारे चकीतच झाले. सायगावच्या जुन्या गावातील रहिवासी सुकदेव रोकडे (वय 74) यांचे निधन 4 रोजी झाले. त्यांच्या अंत्यसंस्काराची वेळ सकाळी 10 वाजेची होती. ‘जो आवडे सर्वाना, तोचि आवडे देवाला’ या उक्तीप्रमाणे सकाळी 9 वाजता अंत्ययात्रेची तयारी सुरु असताना वानर राजाने हजेरी लावली यानंतर सुकदेव बाबाला स्नान घालण्यात आले आणि जेव्हा त्यांना तिरडीवर ठेवण्यात आले आणि गणरायाच्या आरतीस सुरुवात झाली आणि काही वेळातच वानर उपस्थित असलेल्या महिला व पुरुषांना ओलांडून ते थेट सुकदेव बाबा यांच्या तिरडीजवळ जावून बसले. वानर राजाने त्यांच्या छातीवर व डोक्यावर हात फिरविला. आणि आरती पूर्ण होईर्पयत ते तेथून हललेच नाही हा सर्व प्रकार पाहून उपस्थित सर्वजण आवाक झाले. या घटनेची परिसरात सर्वत्र चर्चेचा विषय झाला आहे.