लज्जास्पद स्थितीत खोलीत आढळले युवक आणि महिला; घरच्यांनी बाहेरून टाळा लावला अन्...

शुक्रवारी रात्री महिलेच्या खोलीतून एका युवकाचा आवाज ऐकून घरात सासू, नणंद आणि दीर जागा झाला.

ठळक मुद्देजेव्हा ते महिलेच्या खोलीत पोहचले तेव्हा त्या महिलेला एका युवकासोबत लज्जास्पद अवस्थेत पाहिलंगावकऱ्यांनी या दोघांना रुममधून बाहेर काढलं. संधी मिळताच युवकाने पळण्याचा प्रयत्न केला. या दोघांना गावकऱ्यांनी झाडाला बांधून चप्पलांचा हार घातला. रात्रभर महिला आणि युवक गावकऱ्यांच्या ताब्यात होते

गिरीडिह – गिरीडिह जिल्ह्यातील बेंगाबाद परिसरातील गावात गावकऱ्यांनी एका महिलेला आणि युवकाला अश्लिल वर्तवणूक करताना पाहिलं. त्यानंतर गावकऱ्यांनी या दोघांना बांधून बेदम मारहाण केल्याचा धक्कादायक प्रकार घडला आहे. या घटनेची माहिती मिळताच तात्काळ स्थानिक पोलीस घटनास्थळी पोहचले. त्यावेळी गावकऱ्यांचा आक्रोश पाहून त्या दोघांना वाचवण्यासाठी पोलिसांना प्रचंड धडपड करावी लागली.

मिळालेल्या माहितीनुसार, शुक्रवारी रात्री महिलेच्या खोलीतून एका युवकाचा आवाज ऐकून घरात सासू, नणंद आणि दीर जागा झाला. जेव्हा ते महिलेच्या खोलीत पोहचले तेव्हा त्या महिलेला एका युवकासोबत लज्जास्पद अवस्थेत पाहिलं. त्यानंतर घरातील लोकांनी बाहेरून टाळा लावून गावकऱ्यांना बोलावलं. गावकऱ्यांनी या दोघांना रुममधून बाहेर काढलं. संधी मिळताच युवकाने पळण्याचा प्रयत्न केला. परंतु गावकऱ्यांनी त्याला पकडलं आणि बेदम मारहाण केली.

या दोघांना गावकऱ्यांनी झाडाला बांधून चप्पलांचा हार घातला. रात्रभर महिला आणि युवक गावकऱ्यांच्या ताब्यात होते. त्यानंतर सकाळी पोलिसांना माहिती मिळाल्यानंतर ते घटनास्थळी पोहचले. पोलिसांनी गावकऱ्यांची समजूत काढण्याचा प्रयत्न केला परंतु गावकऱ्यांच्या रागासमोर पोलिसांना काहीच करता आलं नाही. संध्याकाळी ५ वाजेपर्यंतही युवक आणि महिलेला गावकऱ्यांनी सोडलं नव्हतं. पकडलेला युवक हा शेजारील धावाटांडचा गावचा रहिवासी होता.

घटनेची माहिती मिळाल्यानंतर आसपासच्या गावकऱ्यांनीही गर्दी केली. सकाळपर्यंत मोठ्या संख्येने लोक हत्यारांसह त्याठिकाणी उपस्थित होते. गावकऱ्यांनी या दोघांना कठोर शिक्षा देण्याची मागणी केली. परिस्थिती चिघाळत असताना पोलिसांना वरिष्ठांना या प्रकाराची माहिती दिली. त्यानंतर घटनास्थली डीएसपी संजय कुमार राणा, एसडीओपी अनिल सिंह, सीओ पोहचले. सध्या या युवकाला आणि महिलेला वाचवण्याचा प्रयत्न सुरू आहे. आत्ताच काही सांगता येत नाही. परंतु पोलिसांच्या सुरक्षेत या दोघांना ठेवलं आहे.