World Badminton Championships 2018: अवघ्या 31 मिनिटांत सायनाचे आव्हान संपुष्टात

World Badminton Championships 2018: भारताच्या सायना नेहवालला जागतिक अजिंक्यपद बॅडमिंटन स्पर्धेत धक्कादायक पराभव पत्करावा लागला.

नांनजिंग (चीन) - भारताच्या सायना नेहवालला जागतिक अजिंक्यपद बॅडमिंटन स्पर्धेत धक्कादायक पराभव पत्करावा लागला. स्पनेच्या कॅरोलिन मरिनने अवघ्या 31 मिनिटांत सरळ गेममध्ये सायनावर विजय मिळवला. मरिनने ही लढत 21-6, 21-11 अशी जिंकली आणि उपांत्य फेरीत प्रवेश केला.

जागतिक स्पर्धेत 2015 मध्ये रौप्य आणि 2017 मध्ये कांस्यपदक जिंकणा-या सायनाकडून राष्ट्रकुल सुवर्णपदकानंतर येथे जेतेपदाच्या अपेक्षा होत्या. मात्र, मरिनविरूद्धच्या सामन्यात तिचा संघर्ष जाणवलाच नाही. मरिनने अगदी सहजपणे सायनाला नमवले. मरिनने जलद खेळ करताना 11-2 अशी आघाडी घेतली. सायनाने गेममध्ये टिकून राहण्याचा प्रयत्न मरिनच्या खेळासमोर अपयशी ठरला. मरिनने 12 मिनिटांत हा गेम 21-6 असा घेतला.

दुस-या गेममध्ये सायना सुरूवातीचे गुण घेतले, परंतु मरिनच्या झंझावातासमोर तिला फार काळ तग धरता आले नाही. मरिनने दमदार स्मॅशचा खेळ करताना 11-8 अशी आघाडी घेतली. मरिनने 19 मिनिटांत हाही गेम 21-11 असा जिंकून सायनाचे आव्हान संपुष्टात आणले.

TOTAL BWF World Championships 2018
WS - Quarter final
21 21 🇪🇸Carolina MARIN🏅
6  11 🇮🇳Saina NEHWAL

🕗 in 31 minutes
https://t.co/VKfoE9zH29

— BWFScore (@BWFScore) August 3, 2018

या पराभवानंतर सायना म्हणाली, अव्वल दर्जाच्या खेळाडूंविरूद्ध खेळताना सातत्यपूर्ण खेळ कसा करता येईल यावर मेहनत घ्यावी लागेल. सुपर सीरिज स्पर्धेत चांगली कामगिरी करता न आल्यामुळे मला अव्वल खेळाडूंविरूद्ध खेळण्याची संधी मिळालेली नाही. पुढील स्पर्धांच्या दृष्टीने मेहनतीची आवश्यकता आहे आणि मी त्यासाठी प्रयत्न करणार आहे. 

End of road!@NSaina narrowly miss out on a third World Championship medal after losing to Carolina Marin 6-21,11-21 in the quarters clash of the #WorldChampionship2018. Tough luck champ. Keep focused for the upcoming  Asian Games! #IndiaontheRise
Video Courtesy: @PBLIndiaLivepic.twitter.com/t0EFR15360

— BAI Media (@BAI_Media) August 3, 2018