किदाम्बी श्रीकांतची हाँगकाँगच्या व्होंग विंग की व्हिन्सेटवर मात करत अंतिम फेरीत धडक

भारताचा स्टार बॅडमिंटनपटू किदाम्बी श्रीकांतने हाँगकाँगच्या व्होंग विंग की व्हिन्सेटचा २१-१८, २१-१७ ने पराभव करीत डेन्मार्क ओपन सुपर सिरीज बॅडमिंटन स्पर्धेत पुरुष एकेरीच्या अंतिम फेरीत धडक मारली.

ओडेन्स : भारताचा स्टार बॅडमिंटनपटू किदाम्बी श्रीकांतने हाँगकाँगच्या व्होंग विंग की व्हिन्सेटचा २१-१८, २१-१७ ने पराभव करीत डेन्मार्क ओपन सुपर सिरीज बॅडमिंटन स्पर्धेत पुरुष एकेरीच्या अंतिम फेरीत धडक मारली.
उपांत्य फेरीत जागतिक क्रमवारीत अव्वल स्थानावर असलेल्या व्हिक्टर अ‍ॅक्सेलसेनला पराभवाचा धक्का देणा-या श्रीकांतने शनिवारी उपांत्य लढतीतही कामगिरीत सातत्य राखले.
पहिल्या गेममध्ये वर्चस्व गाजवल्यानंतर श्रीकांतने दुस-या गेममध्येही लय कायम राखत विजय साकारला. २०१७ च्या मोसमात श्रीकांतने प्रतिष्ठेच्या स्पर्धेत चौथ्यांदा अंतिम फेरी गाठली आहे.