नळ जोडणीत कराची आडकाठी

नगरपरिषदेच्या कराचा भरणा केलेली पावती जोडल्याशिवाय नवीन नळ जोडणीचा अर्ज मंजूर होत नाही. हाच मुद्दा घेऊन भाजप गटनेत्यासह इतर नगरसेवकांनी मुख्याधिकाऱ्यांपुढे करात सवलतीचा प्रस्ताव ठेवला. यवतमाळ शहरातील जनतेकडे मालमत्ता कर थकीत असल्यामुळे महाराष्ट्र जीवन प्राधिकरण विभागाची नळ जोडणीकरिता संमती प्राप्त होत नाही.

ठळक मुद्देयवतमाळ शहरातील गरजूंची कोंडी : नगरसेवकांचा मुख्याधिकाऱ्यांपढे सवलतीचा प्रस्ताव

लोकमत न्यूज नेटवर्कयवतमाळ : कोरोना महामारीच्या काळात आपला स्वतंत्र नळ असावा, यासाठी प्रत्येक गरजू कुटुंब धडपडत आहे. लॉकडाऊनमुळे रोजगार नाही व आर्थिक नुकसानही होत आहे. अशा स्थितीत नळ जोडणी मिळविण्यासाठी असलेली अट अडथळा ठरत आहे.नगरपरिषदेच्या कराचा भरणा केलेली पावती जोडल्याशिवाय नवीन नळ जोडणीचा अर्ज मंजूर होत नाही. हाच मुद्दा घेऊन भाजप गटनेत्यासह इतर नगरसेवकांनी मुख्याधिकाऱ्यांपुढे करात सवलतीचा प्रस्ताव ठेवला.यवतमाळ शहरातील जनतेकडे मालमत्ता कर थकीत असल्यामुळे महाराष्ट्र जीवन प्राधिकरण विभागाची नळ जोडणीकरिता संमती प्राप्त होत नाही. यामुळे वैयक्तिक नळ जोडणी घेऊन शुद्ध पाणी मिळविण्यापासून अनेक कुटुंब वंचित आहेत. नगरपरिषदेने २०१८-१९ मध्ये सर्वसाधारण सभेत मालमत्ता करावरील व्याज माफ करण्याचा ठराव घेतला होता. यासंदर्भात जिल्हाधिकारी यांच्याकडे प्रस्तावसुद्धा सादर केला होता. मात्र करावरील व्याजमाफीसंदर्भात अद्यापपर्यंत कुठलाही निर्णय झालेला नाही. परिणामी अनेक नागरिकांकडे कर थकीत आहे. शिवाय आता लॉकडाऊनच्या काळात सार्वजनिक नळही बंद करण्यात आले आहे, हातपंपावर कोरोना विषाणू संसर्गाचा धोका अधिक असतो. ही बाब शहरातील काही भागात आरोग्य विभागाने केलेल्या सर्वेक्षणातून उघड झाली आहे. अशा स्थितीत वैयक्तिक नळ जोडणी घेऊन स्वत:ला व कुटुंबाला सुरक्षित करू इच्छिणाºया नागरिकांपुढे मोठा आर्थिक पेच निर्माण झाला आहे. नळासाठी मोठी डिमांड भरूनही नगरपालिकेच्या कर भरल्याची पावती जोडावी लागते. पालिकेत पूर्णच थकीत कराचा भरणा केल्याशिवाय पावती मिळत नाही.नागरिकांना या जाचक अटीतून शिथीलता द्यावी, नळ जोडणीसाठी त्यांच्याकडून तात्पुरत्या स्वरूपात कराची रक्कम वसूल करावी, असा प्रस्ताव भाजपचे गटनेते, नगरसेवक विजय खडसे यांनी मुख्याधिकारी सुनील बल्लाळ यांच्यापुढे ठेवला. यावेळी नगरसेवक शुभांगी हातगावकर, साधना काळे, रिता धावतोडे, लता ठोंबरे, गणेश धवने, पुष्पा राऊत, कोमल ताजने, सुषमा राऊत, चंद्रभागा मडावी आदी उपस्थित होते.