Yavatmal News | Latest Yavatmal News in Marathi | Yavatmal Local News Updates | ताज्यबातम्या यवतमाळ | यवतमाळ समाचार | Yavatmal Newspaper

पुसद : रस्ते तयार करण्यासाठी लागणारे डांबर वितळविण्यासाठी रस्त्यालगतच्या वृक्षांची सर्रास कत्तल सुरू आहे. पुसद परिसरात दिवसाढवळ्या हा प्रकार सुरू असताना वरिष्ठ अधिकाऱ्यांचे मात्र सोईस्कर दुर्लक्ष होत आहे.पुसद तालुक्यात राज्य मार्गाच्या खडीकरण, रुंदीकरण आणि डांबरीकरणाचे काम मोठ्या प्रमाणात सुरू आहे. परिसरातील काकडदाती ते बोरी मुखरे, मांडवा ते सांडवा, धनसळ ते कारला, खंडाळा ते मारवाडी, वरुड ते बेलगव्हाण यासह इतर रस्त्यांचे डांबरीकरण सुरू आहे. माळपठार भागातील हनवतेखडा, बेलोरा, रोहडा, मारवाडी, खंडाळा, म्हैसमाळ, मांजरजवळा आदी परिसरात ही कामे सुरू आहे. तसेच या परिसरात मोठ्या प्रमाणात रस्त्याच्या दुतर्फा डेरेदार वृक्ष आहे. सुमारे ४० वर्षांपूर्वी लावलेली ही झाडे आता वाटसरुंना सावली देत आहे. रस्त्याचीही शोभा वाढवित आहे. परंतु डांबरीकरणासाठी या वृक्षांवरच कुऱ्हाड चालविली जात आहे. रस्त्याच्या लगतची निंबाची झाडे तोडून त्याच्या फांद्या डांबर तापविण्याच्या कामी आणली जाते. विशेष म्हणजे ओले लाकूड जळाले नाही तर त्यावर डांबर टाकून पेटविले जाते.वृक्ष तोडताना पर्यावरणाचा कोणताही विचार केला जात नाही. कुणीही त्यांना विचारले तर उडवाउडवीची उत्तरे देतात. पुसद तालुक्यातील माळपठार परिसरात अनेक झाडे आता बोडखी दिसत आहे. पर्यावरणाच्या नावाने बोंबा ठोकणारे आता मात्र चुप आहे. वरिष्ठ अधिकारीही या प्रकाराची दखल घ्यायला तयार नाही. परिणामी रस्त्याच्या दुतर्फा असलेले वृक्ष नामशेष होण्याची भीती आहे. वृक्ष लागवड तर केली जात नाही उलट वृक्षाची तोडच मोठ्या प्रमाणात सुरू आहे. (तालुका प्रतिनिधी)

Yavatmal (Marathi News)

यात्रेत सुरक्षिततेसाठी बंदोबस्तावर असलेल्या एका महिला पोलीस शिपायाचे १२ फेब्रुवारीला ...

बारावीचे परीक्षा केंद्र असलेल्या येथील काटेबाई शाळेची वीज थकीत बिलासाठी विद्युत ...

यवतमाळ : निवडून आलेल्या लोकप्रतिनिधींना पूर्ण क्षमतेने काम करता यावे, ...

जिल्हा परिषदेच्या महागाव बांधकाम उपविभागांतर्गत ग्रामपंचायतींच्या नावावर झालेल्या ...