यवतमाळ : गेल्या 24 तासांत जिल्ह्यात 73 जण नव्याने पॉझिटिव्ह आढळले आहेत. तर वसंतराव नाईक शासकीय वैद्यकीय महाविद्यालयाच्या आयसोलेशन वॉर्ड, विविध कोव्हिड केअर सेंटर आणि कोव्हिड हेल्थ सेंटरमध्ये भरती असलेल्या 39 जणांनी कोरोनावर मात केल्यामुळे त्यांना रुग्णालयातून डिस्चार्ज देण्यात आला आहे.
जिल्हा परिषदेच्या आरोग्य विभागातर्फे मिळालेल्या अहवालानुसार, शुक्रवारी एकूण 614 रिपोर्ट प्राप्त झाले. यापैकी 73 जण नव्याने पॉझिटिव्ह आले तर 541 जणांचे रिपोर्ट निगेटिव्ह आले. सद्यस्थितीत जिल्ह्यात 478 ॲक्टिव्ह पॉझिटिव्ह आहे. तसेच, आतापर्यंत एकूण पॉझिटिव्ह रुग्णांची संख्या 14307 झाली आहे. 24 तासांत 39 जण कोरोनामुक्त झाल्यामुळे जिल्ह्यात बरे झालेल्यांची एकूण संख्या 13404 आहे. तर जिल्ह्यात एकूण 425 मृत्यूची नोंद झाली आहे.
सुरूवातीपासून आतापर्यंत 141779 नमुने पाठविले असून यापैकी 141551 प्राप्त तर 228 अप्राप्त आहेत. तसेच, 127184 नागरिकांचे नमुने आतापर्यंत निगेटिव्ह आल्याचे जि. प. आरोग्य विभागाने कळविले आहे.