जिल्ह्यात 324 जणांची कोरोनावर मात; 24 तासांत 37 जण नव्याने पॉझिटिव्ह
By लोकमत न्यूज नेटवर्क | Published: October 10, 2020 06:59 PM2020-10-10T18:59:37+5:302020-10-10T18:59:48+5:30
जिल्ह्यात सद्यस्थितीत 599 ॲक्टीव्ह पॉझेटिव्ह असून आतापर्यंत एकूण पॉझिटिव्ह रुग्णांची संख्या 9053 झाली आहे.
जिल्ह्यात 324 जणांची कोरोनावर मात; 24 तासांत 37 जण नव्याने पॉझिटिव्ह
यवतमाळ: गत काही दिवसांपासून पॉझेटिव्ह रुग्ण वाढीच्या संख्येत घट आली असून बरे होण्याचे प्रमाणही वाढले आहे. ही निश्चितच जिल्ह्यासाठी दिलासादायक बाब आहे. वसंतराव नाईक शासकीय वैद्यकीय महाविद्यालयाच्या आयसोलेशन वॉर्ड तसेच विविध कोविड केअर सेंटर, कोव्हीड हेल्थ सेंटरमध्ये भरती असलेल्या 324 जणांनी कोरोनावर मात केल्याने त्यांना रुग्णालयातून सुट्टी देण्यात आली आहे. तर गत 24 तासात 37 जण नव्याने पॉझिटिव्ह आले आहेत.
जिल्हा परिषदेच्या आरोग्य विभागातर्फे प्राप्त अहवालानुसार जिल्ह्यात सद्यस्थितीत 599 ॲक्टीव्ह पॉझेटिव्ह असून आतापर्यंत एकूण पॉझिटिव्ह रुग्णांची संख्या 9053 झाली आहे. शनिवारी 37 जणांना सुट्टी मिळाल्याने सुरवातीपासून बरे झालेल्यांची एकूण संख्या 8104 आहे. जिल्ह्यात आतापर्यंत 288 मृत्युची नोंद आहे. जिल्ह्यात सुरवातीपासून आतापर्यंत 80153 नमुने पाठविले असून यापैकी 79316 प्राप्त तर 837 अप्राप्त आहेत. तसेच 70263 नागरिकांचे नमुने आतापर्यंत निगेटिव्ह आल्याचे जिल्हा आरोग्य अधिकारी कार्यालयाने कळविले आहे.
