युवा सप्ताहांतर्गत चित्रकला स्पर्धा

-------------------

जमिनीच्या वाढीव मोबदल्याची मागणी

वाशिम: मंगरुळपीर तालुक्यातील आसेगाव प्रकल्पासाठी संपादित जमिनीचा वाढीव मोबदला शेतकऱ्यांना देण्याचे आदेश जिल्हा सत्र न्यायालयाने २०१७ मध्ये देऊनही अद्याप पाटबंधारे विभागाने दखल घेतली नाही. त्यामुळे प्रहार संघटनेचे जिल्हा प्रमुख सागर सोलव, उपजिल्हा प्रमुख दिलीप भेंडेकर यांच्या मार्गदर्शनात शेतकऱ्यांनी शुक्रवारी कार्यकारी अभियंत्यांना निवेदन दिले.

-------------------

पोहरादेवीत शेतकऱ्यांना मार्गदर्शन

पोहरादेवी: रबी हंगामातील गहू, हरभरा या पिकांवर विविध किडींचा प्रादुर्भाव झाल्याने उत्पादनात घट येण्याची भीती आहे. या पार्श्वभूमीवर तालुका कृषी अधिकारी विनोद घोडेकर यांच्यासह कृषी सहायक आणि मंडळ कृषी अधिकाऱ्यांनी शुक्रवारी पोहरादेवी येथे शेतकऱ्यांना मार्गदर्शन केले.

^^^^^^^^

अपघातग्रस्त वाहनांची बाजारात अडचण

कामरगाव: कारंजा-अमरावती महामार्गावर घडलेल्या अपघातातील वाहने पोलीस चौकीत जमा केली जातात. ही वाहने गावातील आठवडी बाजारात ठेवली जातात. काही दिवसापूर्वी ही वाहने हलविण्यात आली होती; परंतु पुन्हा वाहने जमा होत असल्याने बाजारात अडचणी येत आहेत.