आधी तुझं माझं जमेना; अन् आता तुझ्यावाचून करमेना!

नंदकिशोर नारे

वाशिम : काेराेना संसर्ग कमी झाला सर्व व्यवहार सुरळीत झालेले दिसून येत असले तरी चालु वर्षात १२६ दाखल प्रकरणांपैकी भराेसा सेलने २१ पुन्हा संसाराची घडी बसविली आहे. समझाेता केलेले कुटुंब आधी तुझं माझं जमेना या प्रमाणे वागायची आता मात्र तीच तुझ्यावाचून करमेना म्हणून गुण्यागाेविंदाने नांदत आहेत.

जानेवारी २०२१ ते ऑगस्टपर्यंत एकूण १२६ विविध कारणांमुळे काैटुंबिक वादाच्या तक्रारी भराेसा सेलकडे आल्या हाेत्या. भराेसा सेलने यातील २१ कुटुंबाना पुन्हा समझाेता करुन एकत्र आणेले आहे.

..........

दारू पिऊन धिंगाणा घालणे म्हणून वाद

भराेसा सेलकडे आलेल्या तक्रारीमध्ये दिवसभर माेबाईलमध्ये ताेंड घालून बसतात, घरी दारू पिऊन येऊन धिंगाणा घालणे या तक्रारी माेठ्या प्रमाणात दिसनू येतात. काही तक्रारी संशयाच्याही आहेत.

......

महिला सुरक्षा विशेष कक्षाकडे २०२० मध्ये एकूण २४५ तक्रारी प्राप्त झाल्या आहेत. यात ८ पुरुष वगळता सर्व तक्रारी महिलांच्या आहेत. यात ६५ जणांचा समझाेता केला आहे. चालू वर्ष २०२१ मध्ये १२६ प्रकरणे आली आहेत. यामध्ये २१ प्रकरणांचा समझाेता केला आहे.

-स्वाती इथापे

महिला सुरक्षा विशेष कक्ष प्रमुख वाशिम

......

जिल्हयातील ठाण्यात भराेसा सेल

जिल्हयातील बहुतांश ठाण्यात भराेसा सेल असून समझाेता प्रकरण असल्यास शक्यताे जिल्हास्तरावर निपटविल्या जातात.