यावर्षीचा पोळा सुद्धा कोरोनाच्या सावटातच

मागील वर्षी देखील बळीराजाचा महत्वपूर्ण सण बैल पोळ्यावर बंधन होती . यंदाच्या बाजारात देखील कही खुशी कही गम अशी अवस्था दिसून आली . बाजारात बैलांच्या साजाचे दुकाने असली तरी ग्राहकांचा प्रतिसाद दिसून आला नाही . शेतकऱ्यांसाठी अत्यंत महत्त्वाचा असलेला सण बैल पोळा हा एक दिवसावर येऊन ठेपला असून शहरातील आठवडे बाजारात बैल पोळ्यासाठी असलेल्या साजांची दुकाने थाटली आहेत . कोरोनाचे पुन्हा सावट येते की काय या भीतीपोटी अनेकांमध्ये निरुत्साह पहायला मिळत आहे . दीड दोन वर्षांपासून कोरोना महामारीमुळे व यंदा पडलेल्या अल्प पावसामुळे अनेक शेतकरी आर्थिक संकटात आहेत . शेतकरी पोळा हा सण मोठ्या उत्साहात साजरा करतात . परंतु यावर्षीचा पोळा सुद्धा कोरोनाच्या सावटातच होणार आहे.