लाडक्या बाप्पांचे स्वागत

वाशिम जिल्ह्यात ६१३ गणेश मंडळांची स्थापना; जवळपास १७९ गावांमध्ये ‘एक गाव-एक गणपती’चा उपक्रम प्रत्यक्षात.

वाशिम : विघ्नहर्ता, सुखकर्ता गणरायाचे १७ सप्टेंबरला जिल्ह्यात मंगलमय वातावरण व जल्लोषात गणेशभक्तांनी स्वागत केले. वाशिम जिल्ह्यात ६१३ गणेश मंडळांची स्थापना झाली असून, यापैकी जवळपास १७९ गावांमध्ये ह्यएक गाव-एक गणपतीह्णचा उपक्रम प्रत्यक्षात साकारण्यात आला आहे. दरम्यान, बाप्पांच्या स्वागतासाठी पावसानेही दमदार हजेरी लावल्याने गणेशभक्तांचा आनंद द्विगुणीत झाला. गुरूवारी सकाळपासूनच गणरायांची स्थापना करण्याची लगबग सुरू होती. वाशिम शहरातील नगर परिषद रोडस्थित असलेल्या बाजारपेठेतून गणेशभक्तांनी गणरायांच्या आकर्षक मूर्ती घेऊन वाजत-गाजत मिरवणूक काढली. पावसाच्या सरीत ओलेचिंब होत गणेशभक्त आनंदात जणू न्हावून निघाले. ह्यआला गणपती. आला गणपती. आज आपल्या दारी.. गणपती बाप्पा मोरया, मंगलमूर्ती मोरया या गाण्याच्या धूनमध्ये गणेशभक्तांनी गणरायांची स्थापना केली. जिल्ह्यात एकूण ६१३ गणेश मंडळांपैकी शहरी भागात ४१२ गणेश मंडळांची स्थापना झाली आहे. वाशिम शहरासह जिल्ह्यातील प्रत्येक शहरात गणरायाचे आगमन आणि विसर्जन ही गणेशभक्तांसाठी एक पर्वणी असते. पावसाचे पुनरागमन आणि गणरायाचे आगमन अशा दुहेरी संगमाचा आनंद गणेशभक्तांसह जिल्ह्यातील भाविकांनी लुटला. वाशिम शहरासह रिसोड, मालेगाव, कारंजा, मंगरुळपीर व मानोरा शहर व ग्रामीण भागात गणेशभक्तांनी गणरायांचे जल्लोष स्वागत केले.

*एक गाव- एक गणपतीचा उपक्रम

        गावात सामाजिक एकोपा कायम राहावा, तंटामुक्तीचे वारे वाहावे यासाठी एक गाव- एक गणपती हा उपक्रम सुरू करण्यात आला आहे. या उपक्रमात जिल्ह्यातील १७९ गणेश मंडळांनी सहभाग घेत एक गाव-एक गणपती ही संकल्पना साकारली आहे.