वाशिम : समोरून अचानक आडव्या आलेल्या निलगायीला वाचविण्याच्या नादात ट्रक चालकाने करकचून ‘ब्रेक’ मारला. यामुळे अगदी मागेच असलेली ट्रॅव्हल्स ट्रकवर जावून आदळली. परिणामी, भीषण अपघात घडून १५ प्रवाशी गंभीर जखमी झाले. हा अपघात १ ते २ फेब्रुवारीच्या मध्यरात्री १२.३० वाजताच्या सुमारास समृद्धी महामार्गावरील चॅनेल क्रमांक १६७, ५२० नजिक घडली.
प्राप्त माहितीनुसार, एम.एच. ४० बी.एफ. ९९६६ या क्रमांकाची खासगी ट्रॅव्हल्स नागपूर येथून पुण्याच्या दिशेने भरधाव वेगात चालली होती. यादरम्यान पुढे धावणाऱ्या ट्रकच्या अचानक रोही आडवा आला. यामुळे ट्रक चालकाने करकचून ‘ब्रेक’ मारला. परिणामी, ट्रक जागीच थांबल्याने ट्रॅव्हल्स त्यावर मागून जोरकसपणे धडकली. हा अपघात इतका भीषण ठरला की, ट्रॅव्हल्सचा दर्शनी भाग पूर्णत: निकामी झाला आहे. या अपघातात ट्रॅव्हल्समधून प्रवास करणारे १५ ते १६ प्रवाशी गंभीर जखमी झाले असून अन्य काही प्रवाशांना किरकोळ दुखापत झाली आहे.
घटनेची माहिती मिळताच अमानी महामार्ग पोलिस केंद्राचे सहायक पोलिस निरीक्षक नितीन दांदडे, पोलिस उपनिरीक्षक राठोड हे त्यांच्या चमूसह घटनास्थळी दाखल झाले. यासह १०८ लोकेशनचे पायलट विधाता चव्हाण, डॉ. भास्कर आडे, उल्हास खिल्लारे, डॉ. सैफुद्दीन, तुषार राजगिरे, डॉ. झाकीर, श्री गुरु मंदिर रुग्णवाहिकेचे रुग्णसेवक रमेश देशमुख, किशोर खोडके, जय गुरुदेव रुग्णवाहिकेचे अनिकेत भिलांडे, अविनाश भोयर, समृद्धी रुग्णवाहिकेचे श्याम घोडेस्वार, छोटू उके यांनी घटनास्थळी धाव घेऊन जखमींचा जीव वाचविण्यासाठी धडपड सुरू केली. रुग्णवाहिकेद्वारे जखमींना कारंजा येथील उपजिल्हा रुग्णालयात उपचारासाठी दाखल करण्यात आले.जखमी रुग्णांची नावेराजेंद्र यादव (३५), नरेंद्र कटरे (४५, गोंदिया)निलेश वानखडे (३० रा. कापसी, अकोला)समीर अदलाबादकर (२२, नागपूर)निर्मला तायडे (६०, पुणे)रोहन तोडकर (२५), प्रियंका तोडकर (२१, सांगली)शुभम मेघारे (२५, नागपूर)रूपेश घोनमोड (४०, चंद्रपूर)पंचशीला भगत (३०, संभाजी नगर)दिलीपकुमार चव्हाण (३५, नागपूर)विशाल केतकर (२६, वर्धा)मच्छिंद्रनाथ भुतकर (३३, हिंगणघाट)प्रतीक्षा नासरे (२४, वर्धा)खुश कौशल्य मिश्रा (४०, वर्धा)वैभव शिवणकर (२९, भंडारा)प्रिया रमेश मुन (२९, वर्धा)वेदांत सुभाष कांबळे (२३, धामणगाव)कृष्णप्रकाश मिश्रा (४२, मिर्झापूर, उत्तर प्रदेश)सुवर्णा संभाजी माळी (४०, सांगली)हेमंत फुलवणी (४०, वर्धा)सुरज राजेश बावणे (४०, चंद्रपूर)निखिल तुरकर (२२, तुमसर, भंडारा)पूजा तायडे (२७, नागपूर)