वाशिम : मालेगाव तालुक्यातील मेडशी येथील रहिवासी असलेला मुलगा व आई शेलुबाजार मार्गे कारंजा येथे येत असताना कारंजा तालुक्यातील वाई फाट्याजवळ झालेल्या दुचाकी व ट्रक अपघातात दोघे मायलेक जागीच ठार झाल्याची घटना १९ सप्टेंबर रोजी सकाळी दहा वाजताच्या दरम्यान घडली.
मालेगाव तालुक्यातील मेडशी येथील चंद्रकला करवते (वय 55) व मुलगा वसंता करवते (वय 45) हे दुचाकी गाडी एम. एच. ३७ सी २१३६ ने कारंजाकडे येत असताना वाई फाट्याजवळ भरधाव ट्रकने दोघांना चिरडले . अपघात इतका भीषण होता हे हे दोघे जागीच ठार झाले. घटनेची माहिती मिळताच कारंजा ग्रामीण पोलीस स्टेशनचे ठाणेदार गजानन धनगर व पोलीस कर्मचारी व सर्वधर्म आपत्कालीन पथक या ठिकाणी तात्काळ दाखल झाले.