पोवाडे गं,तुझ्या यशाचे गाईल तरूणाई!

लोकमत बाल विकास मंच : अंतराळयात्री सुनीता विल्यम्स डिजिटल शो

वाशिम: 'वचन आमचे तुला सुनिता आम्हीही करु वेगळं काही जिद्द तुझी ती आम्हा ठरावी सतत स्फुर्तीदायी पोवाडे गं तुझ्या यशाचे गाईल भारतीय तरुणाई' या कवितेच्या ओळीं कानावर पडताच, उपस्थित बच्चे कंपनीच्या अंगावर शहारे उभे राहीले. सुनीताचा थक्क करणारा अंतराळ प्रवास बच्चे कंपनीने सलग दोन तास कुठलिही हालचाल न करता, एकाग्र चित्ताने ऐकला.निमित्त होते ते लोकमत बाल विकास मंचतर्फे आयोजित अंतराळयात्री सुनीता विल्यम्स डिजीटल शो चे. स्वागत लॉन येथे प्रा. विवेक मेहेत्रे प्रस्तुत हा कार्यक्रम लोकमत बाल विकास मंचच्या वतीने आयोजित करण्यात आला होता. कार्यक्रमाच्या निमित्ताने शहरातील बच्चे कंपनीला अंतराळयात्री सुनीता विल्यम्सच्या अंतराळप्रवासाचे अनेक पैलू पहायला मिळाले. सुनीताचे भारताबद्दलचे प्रेम व भारतीयत्व असल्याचा अभिमान तिने वेळोवेळी कशा प्रकारे आपल्या कामातून व्यक्त केला, याबद्दलही प्रा. मेहेत्रे यांनी अगदी सोप्या भाषेत माहिती दिली. माणसाच्या बुद्धमत्तेला व सुनिता विल्यम्सच्या धाडसाला बच्चे कंपनी व त्यांच्या पालकांनी अभिवादन केले. कार्यक्रमाची सुरूवात लोकमतचे संस्थापक संपादक स्व. जवाहरलालजी दर्डा यांच्या प्रतिमा पूजनाने झाली. यावेळी प्रमुख अतिथी म्हणून एस.एम.सी.इंग्लिश स्कुलचे .अभिजित जोशी, लोकमत वाशिम कार्यालयाचे कार्यालय प्रमुख समीर मोकासदार, ईव्हेंट प्रमुख प्रशांत पाटील, उपसंपादक नागेश घोपे, वितरण अधिकारी भाउराव धोटे, शहर प्रतिनिधी शिखरचंद बागरेचा उपस्थित होते. संचालन योगेश पटले यांनी केले. कार्यक्रम यशस्वी करण्यासाठी सुभाष जाधव, कृष्णा डावर यांनी परिङ्म्रम घेतले.