कळंब्याच्या मैदानावर खेळाडूंनी थोपटल्या मांड्या!

ट्रायल स्पर्धेचे उद्घाटन ॲमॅच्युअर विदर्भ कबड्डी असोसिएशनचे सहसचिव सतीश डफले यांनी केले. यावेळी आंतरराष्ट्रीय कबड्डी खेळाडू विनायक माळी, राष्ट्रीय पंच तथा वर्धा जिल्हा कबड्डी असोसिएशनचे सचिव पद्माकर देशमुख यांची प्रमुख उपस्थिती होती. कबड्डी असोसिएशनचे जिल्हाध्यक्ष रामभाऊ नवघरे यांनी अध्यक्षस्थान भूषविले.

छत्रपती संभाजी महाराज क्रीडा संस्थेचे प्रमुख तथा जिल्हा कबड्डी असोसिएशनचे सचिव डॉ. भागवत महाले यांच्या नेतृत्वात खेळाडू व ग्रामपंचायतीच्या पदाधिकाऱ्यांनी ट्रायल स्पर्धेचे आयोजन केले होते. यासाठी कबड्डी असोसिएशनचे साहेबराव उगले, राजू आढाव, मोहन चौधरी, नाजूक भोंडणे, राजू सांगळे, राजू ठाकरे, राजू गावंडे, संतोष मलिक, दिलीप पवार, गणेश भोयर, लक्ष्मण कांबळे, अजय पाठे, शिवाजी गायकवाड, संतोष घोडके, मनोज भोयर, रामदास चव्हाण, श्याम वानखेडे, मनोज राठोड, सुरेश नागरे, माणिक खराटे, माणिक बेद्रे, प्रवीण गोटे, भानुदास शिंदे, गजानन जायभाये, संजू खटोकार, विकास नवघरे, संदीप लहाने, बालू भोयर, बाबूराव महाले, पंढरीनाथ महाले आदी खेळाडूंनी परिश्रम घेतले.

............

जिल्ह्यातील ४० कबड्डीपटूंची निवड

कळंबा महाली येथे घेण्यात आलेल्या २१० कबड्डीपटूंच्या ‘ट्रायल’मधून ४० कबड्डीपटूंची मोर्शी (जि. अमरावती) येथे पुढील महिन्यात होणाऱ्या निवड चाचणीसाठी वर्णी लागली आहे. १० ऑक्टोबर रोजी सदर खेळाडू मोर्शी येथे जाणार आहेत.

..............

खेळाडूंची लागणार बोली

मोर्शीत निवड चाचणीअंती निवडल्या जाणाऱ्या खेळाडूंमधून पुरुषांचे ११ संघ आणि महिलांचे आठ संघ तयार होणार आहेत. प्रो कबड्डी स्पर्धेच्या धर्तीवर विदर्भ महा-लीग कबड्डी स्पर्धेसाठी ५० हजाराला एक याप्रमाणे टीमची विक्री केली जाणार असून, कबड्डीपटू खेळाडूंची बोली लावली जाणार असल्याची माहिती जिल्हा कबड्डी असोसिएशनचे सचिव डॉ. भागवत महाले यांनी दिली.