मालेगाव तालुक्यातील जिल्हा परिषद शाळेला पालकांची पसंती

मालेगाव : कोरोनाकाळात अनेक शाळा बंद असल्या तरी ऑनलाईन शिक्षणाकरिता सद्यस्थितीत इंग्रजी शाळांकडून अवाजवी शुल्क आकारण्यात आले आहे . हे शुल्क भरताना पालकाच्या नाकीनऊ आले असून , ऑनलाईन शिक्षणावर होणारा खर्च आणि मोबाईल परवडणारा नसल्याने , अनेक सर्व सामान्य पालकवर्गाचे शाळा व्यवस्थापनासोबत अनेकदा वाद होताना दिसून येत आहे. या सर्व प्रकारातून दुखावल्या गेलेल्या अनेक पालकांनी इंगजी शाळेला खो देत , मराठी आणि खाजगी माध्यमाच्या अनुदानित शाळेत़ सेमी माध्यमाच्या शाळेकडे पावले वळविण्यास सुरुवात केली आहे .

-------------

खाजगी व जि.प.च्या शाळांची पटसंख्या वाढली

तालुक्यातील इंग्रजी शाळा ची फी भरून पालकवर्ग त्रस्त झाला आहे त्यामुळे अनेक पालकांनी आपले पाल्य खाजगी माध्यमाच्या अनुदानित शाळेत किंवा जिल्हा परिषदेच्या शाळेत टाकण्यासाठी गर्दी केली आहे . त्यामुळे यावर्षी खासगी व्यवस्थापनाच्या सेमी इंग्रजी शाळा आणि जिल्हा परिषद शाळा मराठी शाळांची पटसंख्या वाढली असल्याचे दिसून येत आहे.

---------

घरोघरी पुरवला सेतू अभ्यासक्रम

जिल्हा परिषदेच्या प्राथमिक शिक्षकांनी ज्या मुलांकडे मोबाईल नाही त्यांच्या घरोघरी जाऊन स्वखर्चाने सेतू अभ्यासक्रमाच्या पीडीएफ पोहोचवल्या आणि सर्व स्वाध्याय पेपर सोडवून घेतले. यावरून त्या शिक्षकांची विद्यार्थ्याप्रति तळमळ दिसून येते

------

यावर्षी जिल्हा परिषदेच्या मराठी शाळा आणि खाजगी माध्यमाच्या अनुदानित शाळांची पटसंख्या वाढली आहे. पालकांना आणि विद्यार्थ्यांना उत्कृष्ट, दर्जेदार शिक्षण देण्यासाठी आमचे सर्व शिक्षक वर्ग तत्पर आहेत. सध्या सुरू असलेला सेतू अभ्यासक्रम सुद्धा प्रत्येक विद्यार्थीपर्यंत आमच्या शिक्षकांनी पोहचवला आहे

गजानन परांडे,

गटशिक्षणाधिकारी पं.स .मालेगांव