वाशिममध्ये ‘नो पार्किंग झोन’ फलकावरच!

पार्किंग झोनच्या परिसरात खासगी वाहने आढळून आली तर कारवाई करण्याच्या जिल्हाधिकार्‍यांच्या स्पष्ट सूचना असतानाही येथे खुलेआम वाहने उभी केली जात असल्याचे चित्र आहे.

ह्यनो पार्किंग झोनह्ण फलकावरच! वाशिम : ह्यनो पार्किंग झोनह्णबाबतचे वाशिम जिल्हाधिकार्‍यांचे आदेश पायदळी चिरडत खासगी वाहनधारकांनी बसस्थानकाच्या २00 मीटर परिसरातच ह्यवाहनतळह्ण निर्माण केला आहे. धक्कादायक बाब म्हणजे जिल्हाधिकार्‍यांच्या आदेशांची अंमलबजावणी करणार्‍या वाहतूक शाखेनेही खासगी वाहनधारकांसमोर सपशेल नांगी टाकली आहे. वाहतूक व्यवस्था सुरळीत ठेवण्याबरोबरच एसटी महामंडळाचे उत्पन्न कमी होणार नाही, या दृष्टिकोनातून बसस्थानकापासून २00 मीटरच्या परिसरात ह्यनो पार्किंग झोनह्णची सीमारेषा आखून देण्यात येते. या सीमारेषेतून खासगी प्रवासी वाहनांना प्रवाशांची ने-आण करता येणार नाही तसेच खासगी वाहनांनी तळ ठोकू नये, असे बंधन टाकण्यात आलेले आहे. वाशिम शहरातील बसस्थानक परिसर जिल्हाधिकार्‍यांनी ह्यनो पार्किंग झोनह्ण म्हणून घोषित केला आहे. येथे खासगी वाहनांना थारा देऊ नका, असे स्पष्ट निर्देश जिल्हाधिकार्‍यांचे आहेत. जिल्हाधिकार्‍यांच्या निर्देशांची अंमलबजावणी करण्याची जबाबदारी वाहतूक शाखा व उपप्रादेशिक परिवहन विभागाच्या खांद्यावर सोपविण्यात आलेली आहे. सद्य:स्थितीत जिल्हाधिकार्‍यांच्या नो पार्किंग झोनबाबतच्या निर्देशांना पायदळी तुडविण्यापर्यंत खासगी वाहनधारकांनी मजल मारली असल्याचे वास्तव ह्यलोकमतह्णने केलेल्या पाहणीतून समोर आले आहे. नो पार्किंग झोनच्या परिसरात खासगी वाहने आढळून आली तर कारवाई करण्याच्या जिल्हाधिकार्‍यांच्या स्पष्ट सूचना असतानाही येथे खुलेआम वाहने उभी केली जात असल्याचे चित्र आहे. मोटारसायकलवर मोठय़ा प्रमाणात कारवाई करीत असल्याचा गवगवा करणारी शहर वाहतूक शाखा खासगी प्रवासी वाहनधारकांसमोर नांगी का टाकते, हा संशोधनाचा विषय बनत आहे. शहर वाहतूक शाखेबरोबरच उपप्रादेशिक परिवहन विभागानेदेखील नो पार्किंग झोनची अंमलबजावणी करण्याच्या आदेशाला सोयिस्कररित्या केराची टोपली दाखविण्यातच धन्यता मानली असल्याचे एकंदरित परिस्थितीवरून दिसून येते. ह्यनो पार्किंग झोनह्णचा फलक असलेल्या ठिकाणासमोरच खासगी वाहनतळ बनल्याने यामागे अर्थकारण तर दडले नाही ना, अशी शंकाही वर्तविली जात आहे. वाशिम शहरात खासगी वाहनांसाठी स्वतंत्र जागा उपलब्ध नाही, या एकमेव सबबीखाली नो पार्किंग झोनच्या अंमलबजावणीवर पडदा टाकला जात आहे.