नगरपंचायत निवडणुकीचा बिगुल वाजला

मालेगाव व मानोरा नगरपंचायत निवडणुकीचा बिगुल वाजला; १0 जानेवारीला मतदान.

मालेगाव/मानोरा : बहुप्रतीक्षेत असलेला मालेगाव व मानोरा नगरपंचायत निवडणुकीचा बिगुल वाजला असून, निवडणूक आयोगाने निवडणूक कार्यक्रम घोषित केला आहे. १0 डिसेंबरपासून निवडणूक कार्यक्रम सुरू होणार असून, १0 जानेवारी २0१६ रोजी मतदान होणार आहे. मालेगाव व मानोरा ग्रामपंचायतचे रुपांतर नगर पंचायतमध्ये झाल्यानंतर आरक्षण, वार्ड रचना आदी सोपस्कार पार पडले. त्यानंतर निवडणूक कार्यक्रम जाहीर होण्याची प्रतीक्षा जिल्हावासीयांना होती. अखेर निवडणूक कार्यक्रम जाहीर झाल्याने राजकीय घडामोडींनी वेग घेतला. जिल्हाधिकार्‍यांनी निवडणूक कार्यक्रम जारी करण्याची तारीख ८ डिसेंबर २0१५ अशी आहे. नामनिर्देशनपत्रे देणे व स्वीकारणे १0 डिसेंबर ते १७ डिसेंबर या दरम्यान सकाळी ११ ते दुपारी ३ वाजेपर्यंत राहणार आहे. १२ व १३ डिसेंबरला नामनिर्देशनपत्र देण्यात व स्वीकारली जाणार नाहीत, तसेच नामनिर्देशनपत्र स्वीकारण्याची अंतिम तारीख १७ डिसेंबर रोजी दुपारी ३ वाजे पर्यंत आहे. नामनिर्देशनपत्राची छाननी व वैधरीत्या नामनिर्देशित झालेल्या उमेदवाराची यादी १८ डिसेंबरला प्रसिद्ध केली जाईल. नामनिर्देशनपत्र मागे घेण्याचा अंतिम दिनांक (अपिल नसेल तेथे) २८ डिसेंबर असा आहे. अपिल असलेल्या ठिकाणी, निर्णय लागल्याच्या तारखेनंतर तिसर्‍या दिवशी किंवा तत्पूर्वी निवडणूक चिन्ह नेमून देण्याचा दिनांक राहील. मतदान केंद्राची यादी ४ जानेवारी २0१६ रोजी प्रसिद्ध केली जाईल. १0 जानेवारी २0१६ रोजी सकाळी ७.३0 ते सायंकाळी ५.३0 वाजेपर्यंत मतमोजणी होणार आहे. ११ जानेवारी रोजी निकाल जाहीर केला जाणार आहे.