विजेच्या धक्क्याने माकडाचा मृत्यू

४५ लघु प्रकल्प भरले काठोकाठ

वाशिम : जिल्ह्यात ऑगस्ट महिन्यात आलेल्या दमदार पावसामुळे १३४ लघु प्रकल्पांपैकी ४५ प्रकल्प काठोकाठ भरले आहेत, तर उर्वरित प्रकल्पांपैकी ८० टक्के प्रकल्पांतही ८० टक्क्यांपर्यंत जलसाठा झाला आहे. त्यामुळे प्रकल्पांच्या सरासरी पातळीतही वाढ झाल्याचे दिसत आहे. मध्यम प्रकल्पांपैकी वाशिम येथील एकबुर्जी प्रकल्प शंभर टक्के भरला आहे.

-----------------------

वाशिम शहरात पावसाची हजेरी

वाशिम : गेल्या तीन दिवसांपासून विश्रांती घेणाऱ्या पावसाने शुक्रवारी वाशिम शहरात पुन्हा हजेरी लावली. दुपारी ३ वाजताच्या नंतर पावसाचे आगमन झाले. जवळपास अर्धा तास दमदार पाऊस पडला. या पावसामुळे बाजारपेठेत मात्र ग्राहक, व्यावसायिकांची चांगलीच धावपळ झाल्याचे दिसून आले.

---------------

खड्ड्यात दुचाकी उसळून चालक जखमी

वाशिम : शहरातील सर्वच मुख्य चौकात रस्त्यांची अवस्था वाईट झाली आहे. त्यात अकोला नाका आणि पुसद नाका परिसरातील रस्त्यांवर दहा ते बारा फूट लांबीचे खड्डे पडले आहेत. हे खड्डे चांगले फूटभर खोलही असल्याने यातून दुचाकी उसळण्याचे प्रकार घडत आहेत. या खड्ड्यात शुक्रवारी दुचाकी उसळून एक जण जखमी झाला आहे.

----------------------

रस्त्यावरील पथदिवे दुरुस्तीची मागणी

वाशिम : सध्या पाऊस सुरू असून, या दिवसांत रात्रीच्या सुमारास विजेची अत्यावश्यकता भासते. ही बाब लक्षात घेऊन खेडेगावातील काही ठिकाणचे नादुरुस्त असलेले पथदिवे विनाविलंब दुरुस्त करण्याची मागणी होत आहे.

---------------

पीक नुकसानभरपाई देण्याची मागणी

वाशिम : गतवर्षी १० व १२ जुलै रोजीच्या पावसामुळे मानोरा तालुक्यातील शेतकऱ्यांच्या शेतातील पिकांचे अतोनात नुकसान झाले. पंचनामे करून तातडीने नुकसानभरपाई देण्यात यावी, अशी मागणी शेतकऱ्यांनी ३ सप्टेंबर रोजी महसूल व कृषी विभागाकडे केली.

----