वाशिममध्ये आज आरोग्य तपासणी शिबिर

..............

पिण्याचे शुद्ध पाणी पुरविण्याची मागणी

वाशिम : मालेगाव तालुक्यातील जऊळका रेल्वे येथे सार्वजनिक पाणीपुरवठ्याची प्रबळ व्यवस्था अद्यापपर्यंत उभारण्यात आलेली नाही. यामुळे पाणीपुरवठा विस्कळीत होऊन त्रास सहन करावा लागत आहे. पिण्याचे मुबलक तथा शुद्ध पाणी पुरविण्यात यावे, अशी मागणी अतुल कुटे यांनी सोमवारी केली.

................

विद्युत पुरवठ्यात वारंवार व्यत्यय

वाशिम : तालुक्यातील काही गावांमध्ये विद्युत पुरवठ्यात वारंवार व्यत्यय निर्माण होत आहे. जोराची हवा सुटल्यास अथवा धुवाधार पाऊस सुरू असल्यास महावितरणकडून कुठलीही पूर्वसूचना न देताना वीजपुरवठा खंडित केला जातो. यामुळे नागरिकांची गैरसोय होत असून, विशेषत: रात्रीच्यास सुमारास या समस्येमुळे डासांचा त्रास बळावला आहे.

.................

कर्ज तत्काळ मंजूर करण्याचे आवाहन

वाशिम : मुख्यमंत्री रोजगार योजनेतून निर्धारित निकषांप्रमाणे पात्र लाभार्थींना विनाविलंब कर्ज मंजूर करण्याच्या शासनाच्या सूचना आहेत. त्याचे पालन करून लाभार्थींना कर्ज मंजूर करावे, असे आवाहन जिल्हा अग्रणी बँकेचे व्यवस्थापक दत्तात्रय निनावकर यांनी केले आहे.

...........

पिण्याचे शुद्ध पाणी पुरविण्याची मागणी

वाशिम : स्थानिक जिल्हा सामान्य रुग्णालयात उपचारार्थ दाखल रुग्णांना पिण्याचे शुद्ध पाणी मिळणे गरजेचे आहे. मात्र, ही व्यवस्था उपलब्ध नसल्याने रुग्ण व त्यांच्या नातेवाइकांची मोठ्या प्रमाणात गैरसोय होत आहे. याकडे लक्ष पुरवून शुद्ध पाणी पुरविण्याकरिता जिल्हा शल्यचिकित्सकांनी लक्ष द्यावे, अशी मागणी होत आहे.

.................

शौचालय वापराची जनजागृती थंडावली

वाशिम : मध्यंतरी जिल्ह्यात स्वच्छता रथाच्या माध्यमातून शौचालयांचा वापर करण्यासंबंधी प्रभावी जनजागृती करण्यात आली. मात्र, कोरोना काळात हा उपक्रम थंड बस्त्यात पडला. परिणामी, अनेक गावांमध्ये उघड्यावर शाैचवारी सुरू असून, शाैचालय वापराची जनजागृती करावी, अशी मागणी होत आहे.