तिसऱ्या लाटेची भीती, गणेशमूर्तीनिर्मितीत ६५ टक्क्यांवर घट

--------------

मूर्तीचा आकार ४ फुटांपेक्षा कमीच

गतवर्षी कोरोनामुळे गणेशोत्सव साध्या पद्धतीने साजरा करण्याचे आवाहन शासनाने करतानाच मूर्तीची उंची ४ फुटापेक्षा कमी ठेवण्याचे निर्देश दिले होते. त्यावेळी मूर्तिकारांनी घडविलेल्या ४ फुटांपेक्षा अधिक उंच मूर्ती विकल्याच गेल्या नाहीत. परिणामी त्यांचे मोठे आर्थिक नुकसान झाले. त्यामुळे यंदा मूर्तिकारांनी ४ फुटांपेक्षा कमी उंचीच्याच मूर्ती घडविल्या आहेत.

-----------------------

प्लास्टरच्या मूर्तीवरील मर्यादांचाही परिणाम

कोरोना पार्श्वभूमीवर गणेशोत्सव साध्या पद्धतीनेच साजरा करताना प्लास्टरच्या मूर्तीऐवजी शाडूच्या मूर्ती स्थापन करण्याचे आवाहन शासनाने गणेश मंडळे व गणेशभक्तांना केले होते. त्याचाही मोठा फटका मूर्तिकारांना बसला असून, यंदा प्लास्टरच्या मूर्तींची संख्या मोठ्या प्रमाणात घटली असल्याची माहिती कुंभकार समाज संघटनेकडून मिळाली आहे.

----------------------

विक्रेत्यांनाही मिळेना मूर्ती

यंदाचा गणेशोत्सव अवघा १८ दिवसांवर आला असल्याने मूर्तिकारांची तयारी जोरात आहेत. त्यात तयार गणेशमूर्ती घेऊन त्यांची विक्री करणारे व्यावसायिक विविध मूर्तिकारांकडे मागणी नोंदवित आहेत, परंतु अपेक्षित मागणीनुसार मूर्ती मिळत नसल्याने गणेशमूर्तींची विक्री करणाऱ्या व्यावसायिकांचीही मोठी पंचाईत झाल्याचे चित्र दिसत आहे.

०००००००००००००००००००००००००

कोट : आम्ही दरवर्षी लहान, मोठ्या मिळून २००० पेक्षा अधिक गणेशमूर्ती घडवितो. गेल्या वर्षी कोरोनामुळे गणेशमूर्तीच्या विक्रीवर मोठा परिणाम झाला. गतवर्षीच्या १००० हून अधिक मूर्ती आमच्याकडे पडून आहेत. त्यामुळेच यंदा केवळ ५०० ते ५५० मूर्ती घडविणार आहोत. मूर्ती बनविण्याचे कामही अंतिम टप्प्यात आहे.

- शाम टेटवार, मूर्तिकार, तथा जिल्हाध्यक्ष, कुंभकार समाज संघटना, वाशिम

---------------------

जिल्ह्यात दरवर्षी तयार होणाऱ्या मूर्ती - ४,००,०००

यंदा अपेक्षित मूर्तीची संख्या - १,४५,०००