दारू पिऊन वाहन चालविल्यास लायसन्स होऊ शकते रद्द!

वाशिम : दारू पिऊन वाहन चालविणे, वाहतूक नियमांचा भंग केल्यानंतर केवळ दंड भरून सुटका होत नाही; तर अनेकवेळा लायसन्सचे निलंबिनही केले जाते. गत चार वर्षांत जवळपास २१ जणांचे लायसन्स निलंबित करण्यात आले.

वाहतूक नियमांचे पालन केल्यास अपघाताच्या घटनांवर नियंत्रण मिळविता येऊ शकतो. अनेकजण वाहतूक नियमाचे पालन करण्याकडे दुर्लक्ष करतात. वाहतूक नियमांचे उल्लंघन करणा-याविरुद्ध दंडात्मक कारवाई केली जाते; याशिवाय दारू पिऊन वाहन चालविणे, अपघातास कारणीभूत ठरणाºया चालकाचा परवानादेखील निलंबित केला जातो. संभाव्य कारवाई टाळण्यासाठी वाहतूक नियमांचे पालन करणे वाहनचालकांसाठी आवश्यक ठरत आहे.

००००००

हे नियम मोडल्यास लायसन्सचे निलंबन!

दारू पिऊन अथवा अंमली पदार्थाचे सेवन करून वाहन चालविल्यास (ड्रंक अॅन्ड ड्राईव्ह) दंडात्मक कारवाई तसेच लायसन्स निलंबित करण्याबाबत वाहतूक शाखेकडून आरटीओकडे प्रस्ताव सादर केला जातो.

एखाद्या चालकाकडून अपघाताची घटना घडल्यास याप्रकरणातही चालक परवाना निलंबित करण्याचा प्रस्ताव पाठविण्यात येतो. तीन महिने किंवा काही घटनांमध्ये अधिक कालावधीसाठी परवाना निलंबित होऊ शकतो.

०००००००००००००

अशी होते कारवाई

वाहतुकीचे नियम न पाळणाºया चालकाविरूद्ध परवाना निलंबनाच्या कारवाईचा प्रस्ताव वाहतूक पोलीस शाखेकडून आरटीओकडे पाठविण्यात येतो. मोटार वाहन अधिनियमातील तरतुदीनुसार आरटीओकडून विहित कालावधीसाठी परवाना निलंबनाची कारवाई करून वाहतूक शाखेकडे फाईल पाठविली जाते.

००००

चार वर्षातील कारवाई

२०१८ ०८

२०१९ ०७

२०२० ०२

२०२१ ०२

००००००००००००००००

प्रत्येकाने वाहतूक नियमांचे पालन करावे

कोट

रस्ते अपघाताच्या घटनांवर नियंत्रण मिळविण्यासाठी प्रत्येकाने वाहतुकीच्या नियमांचे पालन करणे आवश्यक आहे. वाहतूक नियम न पाळणा-या चालकाविरुद्ध वाहतूक शाखेतर्फे दंडात्मक कारवाई केली जात आहे. ड्रंक अॅन्ड ड्राईव्ह, अपघात अशा घटनांतील चालक परवाना निलंबित करण्याबाबत आरटीओकडे प्रस्ताव पाठविला जातो. चालू वर्षात दोन प्रस्ताव पाठविण्यात आले आहेत.

- नागेश मोहोड,

सहायक पोलीस निरीक्षक, शहर वाहतूक शाखा, वाशिम