शिक्षकांचे वेतन अनुदान तत्काळ वितरित करा

यासंदर्भात मंगळवारी सरनाईक यांनी शिक्षणमंत्री वर्षा गायकवाड यांच्याकडे निवेदन सादर केले. त्यात नमूद करण्यात आले आहे की, मागील कित्येक महिन्यांपासून कोरोना प्रादुर्भावामुळे शासनाकडून वेळेवर व पुरेसा निधी वितरित होणे कठीण झाले आहे. कधीकधी निधी उपलब्ध होऊनही शाहीच्या प्रतिअभावी वेतन होत नाही. तसेच वेतन पथक कार्यालयाकडून दिरंगाई झाल्यामुळे देखील हा प्रश्न गंभीर झाला आहे.

बहुतांश शिक्षक व शिक्षकेतर कर्मचाऱ्यांची विविध प्रकारची कर्ज असल्यामुळे, विमा हप्ते असल्यामुळे त्यांना विनाकारणचा आर्थिक भुर्दंड सहन करावा लागत आहे. ही बाब लक्षात घेऊन शिक्षकांचे वेतन अनुदान तत्काळ वितरित करण्यात यावे व हा प्रश्न कायमस्वरूपी निकाली काढण्यात यावा, अशी मागणी ॲड. सरनाईक यांनी शिक्षणमंत्री वर्षा गायकवाड यांच्याकडे निवेदनाव्दारे केली.