कामगारांना रोजगार देण्याची मागणी

---------

कामरगावात शेतकऱ्यांना मार्गदर्शन

वाशिम: खरीप हंगामातील पिकांवर विविध किडींचा प्रादुर्भाव वाढत आहे. त्यामुळे शेतकरी चिंताग्रस्त झाले आहेत. या पृष्ठभूमीवर कृषी विभागाचे कर्मचारी ग्रामपंचायत कार्यालयात शेतकऱ्यांना कृषी विभागाकडून मार्गदर्शन करीत आहेत. या कार्यक्रमाला शेतकऱ्यांचा मोठा प्रतिसाद लाभत आहे.

-------

रस्त्यावरील खड्ड्यांमुळे चालकांची कसरत

वाशिम: हिंगोली मार्गावर निर्माणाधीन उड्डाण पुलाच्या बाजूला असलेल्या रस्त्याची अवस्था वाईट झाली आहे. यावर मोठमोठे खड्डे पडले असून, या खड्ड्यांत पावसाचे पाणी साचून गटारे झाली आहेत. त्यामुळे या रस्त्यावर वाहने चालविताना चालकांची मोठी कसरत होत असल्याचे चित्र दरदिवशी पाहायला मिळत आहे.

^^^^^^^^^^

गावकऱ्यांन स्वच्छतेबाबत मार्गदर्शन

वाशिम: तालुक्यातील विविध गावांत रस्त्यावर कचरा टाकण्यात येत असल्याने गावात घाण वाढत आहे. या पृष्ठभूमीवर सरपंचांच्या मार्गदर्शनात ग्रामसचिव व आरोग्य कर्मचारी सभा घेऊन स्वच्छता राखण्याबाबत मार्गदर्शन करीत आहेत.

-----------

आरोग्य केंद्राकडून ग्रामस्थांना मार्गदर्शन

वाशिम : आरोग्य पोषण व समुपदेशन कार्यक्रमांतर्गत पावसाळ्याच्या पार्श्वभूमीवर जिल्ह्यात प्राथमिक आरोग्य उपकेंद्राच्यावतीने ग्रामस्थांना आरोग्य विषयक मार्गदर्शन करण्यात येत आहे. गेल्या आठवडाभरापासून हा उपक्रम सुरू असून, कोरोना संसर्गावर नियंत्रणासाठी या उपक्रमाला वेग देण्यात आला आहे.

----------

एटीएम मशीनची दुरवस्था

वाशिम: जिल्ह्यातील विविध बँकांचे काही एटीएम अनेक दिवसांपासून बंद आहेत. त्यात वाशिम येथील एका बँकेच्या शाखेलगतच असलेल्या एटीएम मशीनची दुरवस्था झाल्याचे मंगळवारी दिसून आले.

---------------