वाशिमच्या श्‍वानपथकाचे योगदान

साखरखेर्डा दरोड्याचा लावला शोध.

वाशिम : स्टेट बँकेच्या साखरखेर्डा जिल्हा बुलडाणा शाखेची ३0 लाख रुपयांची रोकड पळवून नेणार्‍या सहा आरोपींना अटक करण्यात आली. तसेच २५ लाख रुपये जप्त करण्यात वाशिम येथील श्‍वान ह्यमॅक्सीह्ण पथकाने मोलाचे योगदान देऊन या प्रकरणाचा छडा लावला. याबाबत डॉग मास्टर यांचा जिल्हा पोलीस अधीक्षकांनी गौरवही केला. बुलडाणा जिल्हय़ातील श्‍वानपथक पुणे येथे प्रशिक्षणाकरिता गेल्याने या जिल्हय़ाचा प्रभार वाशिम जिल्हय़ाकडे आहे. २६ डिसेंबर रोजी साखरखेर्डा येथील दरोडा प्रकरण झाल्यानंतर येथील पथकाला पाचारण करण्यात आले होते. श्‍वानपथक तेथे पोहचल्यानंतर पोलिसांच्या ताब्यात असलेल्या आरोपीने पूर्णा नदीच्या काठावर वसलेल्या गावातील डोंगराळ, घनदाट झाडीमध्ये लपवून ठेवलेले ५ लाख रुपये दाखविले. उर्वरित रकमेबाबत आरोपी काहीही सांगत नव्हता. यावेळी डॉग मास्टर शेषराव ङ्म्रावण शेजुळकर यांनी आरोपीच्या टी शर्टचा स्मेल (वास) श्‍वान मॅक्सीस दिला. लगेचच मॅक्सीने डोंगराळ, घनदाट झाडाझुडपातून मार्गाक्रमण करीत आरोपीने एका खड्डय़ामध्ये रोवून ठेवलेली रक्कम उकरून काढली. त्यानंतर एका झुडपाजवळ मॅक्सी गेली व तेथील असे एकूण २५ लाख रुपये शोधून दिले. श्‍वान मॅक्सीने तपास कामात अतिशय मोलाची कामगिरी बजावली. या कामात पोलीस उपनिरीक्षक भास्कर कबले, डॉग मास्टर शेषराव ङ्म्रावण शेजुळकर यांचे मोलाचे सहकार्य लाभले. श्‍वानपथकाने केलेल्या मोलाच्या कामगिरीचा व डॉग मास्टर शेजुळकर यांचा गौरव केला.