कंटेनरची अ‍ॅपेला धडक; एक ठार, सहा जखमी  

नागपूरवरुन मेहकरकडे जाणा-या भरधाव कंटेनरने एका अ‍ॅटोला जबर धडक दिल्याने अ‍ॅटोमधील एक जण ठार तर सहा जण जखमी झाल्याची घटना ११ सप्टेंबरला सकाळी ११.३० वाजता  सुमारास मालेगाव-मेहकर मार्गावरील नवीन बायपासजवळच्या टी पॉर्इंट जवळ घडली. याप्रकरणी सायंकाळी गुन्हा दाखल करण्यात आला.

ठळक मुद्देभरधाव कंटेनरची आॅटोला जबर धडकमालेगाव-मेहकर बायपासवरील टी-पॉर्इंटजवळ घडली घटनागंभीर जखमी रामचंद्र ढोके यांचा उपचारादरम्यान मृत्यू

लोकमत न्यूज नेटवर्क
मालेगाव : नागपूरवरुन मेहकरकडे जाणा-या भरधाव कंटेनरने एका अ‍ॅटोला जबर धडक दिल्याने अ‍ॅटोमधील एक जण ठार तर सहा जण जखमी झाल्याची घटना ११ सप्टेंबरला सकाळी ११.३० वाजता  सुमारास मालेगाव-मेहकर मार्गावरील नवीन बायपासजवळच्या टी पॉर्इंट जवळ घडली. याप्रकरणी सायंकाळी गुन्हा दाखल करण्यात आला.
तालुक्यातील कळंबेश्वर येथून एम.एल.३७ बी ६२३६ क्रमांकाचा अ‍ॅटोचालक साहेबराव चिंतामण वानखेडे रा.कळंबेश्वर  हे उडदाचे पोते घेऊन प्रवाशांसह मालेगाव येथे येत होते. वडप गावानजीकच्या नवीन बायपासवर नागपुरकडुन भरधाव येणाºया एच.आर. ३८ एन. ५९५० क्रमांकाचा कंटेनर चालक दिपकसिंग दारासिंग (२१) रा. मथुरा (उत्तरप्रदेश) याने याने निष्काळजी वाहन चालविल्याने अ‍ॅटोला जबर धडक बसली. 
या अपघातात अ‍ॅटोमधील रामचंद्र गोपाल ढोके (५०)रा.कळंबेश्वर यांच्या डोक्याला जबर मार लागला. अति रक्तस्त्राव झाल्याने त्यांचा मालेगाव ग्रामीण रुग्णालयात उपचारादरम्यान मृत्यु झाला तर या अ‍ॅपेमधील प्रवासी भाऊराव काशीनाथ चतरकर (७१), रामकौर भाऊराव चतरकर, रामभाऊ गोविंद वंजारे (३०), लक्ष्मी   रामभाऊ वंजारे रा.कळंबेश्वर व वडप येथील महाजन व अन्य एक असे एकुण सहा प्रवासी जखमी झाले. अपघाताबाबत मालेगाव पोलिसांना माहिती मिळताच सहाय्यक पोलिस निरीक्षक संजय गवई, पोहेकाँ तानाजी ढेंगळे, खोडके, नारायण वाघ, नारायण सरकटे, आशिष किल्लेकर हे घटनास्थळी दाखल झाले.
सर्व जखमींना ग्रामीण रुग्णालय मालेगाव येथे उपचाराकरिता हलविले. कंटेनर चालक दिपकसिंग दारासिंग हा वाहन घेवुन घटनास्थळावरुन मेहकरमार्गे पसार झाला. याबाबत ए.पी.आय गवई यांनी डोणगाव पोलिसांना माहिती दिल्यानंतर डोणगाव पोलिसांनी डोणगाव येथे कंटेनर व चालकाला ताब्यात घेवुन मालेगाव पोलिसांच्या स्वाधीन केले. याप्रकरणी शेषराव चोखाजी भालेराव (५२) रा.कळंबेश्वर यांनी मालेगाव पोलिस स्टेशनला फिर्याद दिली. यावरुन कंटेनर  चालक दिपकसिंग यांच्याविरुध्द भादंवी कलम २७९, ३३७, ३३८, सह सदोष मनुष्यवधाचा गुन्हा दाखल केला. पुढील तपास सहाय्यक पोलिस निरीक्षक संजय गवई हे करीत आहेत.
-