लाच घेताना लिपीक चतुभरूज

वाशिम नगर परिषदेचा लिपीक अटक, लाच लाललुचपत प्रतिबंधक विभागाची कारवाई.

वाशिम : स्थानिक नगर परिषदेच्या मालमत्ता अभिलेखात मालमत्तेचा उल्लेख करण्यासाठी अर्ज करणार्‍या मालमत्ताधारकाकडून तीनशे रूपयाची लाच स्विकारल्याप्रकरणी लाचलुचपत प्रतिबंधक विभागाच्या पथकाने पुसदनाका परिसरात लाचखोर लिपीकास रविवारी अटक के ली.
वाशिम नगर परिषद मध्ये कनिष्ठ लिपीक या पदावर राम सोनाजी वानखेडे कार्यरत आहे. वानखेडे याने फिर्यादीला मालमत्ता अभिलेखावर मालमत्ता मालक नाव पाहिजे असल्यास पाचशे रूपयाची मागणी केली असता तिनशे रूपयामध्ये तडजोड झाली. दरम्यान फिर्यादीने लाच मागत असल्याची फिर्याद वाशिम येथील लाचलुचपत प्रतिबंधक विभागाकडे १६ नाव्हेंबर रोजी केली. लिपीक वानखेडे याने फिर्यादीला १६ नोव्हेंबर रोजी पुसद नाका परिसरात असलेल्या सत्यम हॉटेलमध्ये पैसे घेऊन येण्यास सांगितले. यावेळी एसीबीचे पथक हॉटेल परिसरात सापळा रचुन तयार होते. लिपीक वानखेडे याला फिर्यादीकडून तीनशे रूपयाची लाच स्विकारताना एसीबीच्या पथकाने रंगेहात पकडले. शासकीय लोकसेवकाने खाजगी इसमाने शासकीय काम करून देण्यासाठी लाचेची मागणी केल्याबाबत एसीबी च्या कार्यालयाने १0६४ क्रमांकाच्या टोल फ्री दुरध्वनीची व्यवस्था नव्याने सुरू केली आहे. या दुरध्वनीवर पिडीत नागरिकांनी संपर्क साधण्याचे आवाहन पोलिस निरिक्षक ए.जी. रूईकर यांनी केले आहे.