आणखी एक कोरोनामुक्त; एक पॉझिटिव्ह!

जिल्ह्यात कोरोना रुग्णांची संख्या कमी होत असल्याने जिल्हावासीयांना दिलासा मिळत आहे. नव्याने कोरोना रुग्ण आढळून येण्याचे प्रमाण अतिशय घटले आहे. गुरुवारी एका जणाला कोरोना संसर्ग झाल्याचे स्पष्ट झाले तर एका जणाने कोरोनावर मात केली. वाशिम तालुक्याचा अपवाद वगळता उर्वरित पाचही तालुक्यात एकही रुग्ण आढळून आला नाही. आतापर्यंत जिल्ह्यात ४१७०४ रुग्ण आढळून आले आहेत. यापैकी ४१०५६ रुग्णांनी कोरोनावर मात केली तर आतापर्यंंत ६३७ जणांचा मृत्यू झाला. कोरोनाची दुसरी लाट ओसरत असली तरी तिसऱ्या लाटेची शक्यता वर्तविण्यात येत असल्याने नागरिकांनी काळजी घ्यावी, असे आवाहन जिल्हा प्रशासन व आरोग्य विभागाने केले.

००००

१० सक्रिय रुग्ण

गुरुवारच्या अहवालानुसार नव्याने १ रुग्ण आढळून आला तर एका जणाने कोरोनावर मात केली आहे. सध्या गृहविलगीकरणात एकूण १० रुग्ण आहेत.

0000000000000

पाच तालुके निरंक

गुरुवारच्या अहवालानुसार वाशिम शहरात एक रुग्ण आढळून आला. उर्वरित मालेगाव, रिसोड, कारंजा, मंगरूळपीर व मानोरा तालुक्यात एकही रुग्ण आढळून आला नाही.