प्रजासत्ताक दिनी विविध कार्यक्रम

भारतीय प्रजासत्ताक दिन जव्हार परिसरात मोठ्या उत्सहात साजरा करण्यात आला, प्रत्येक कार्यालया समोर, बँकासमोर, शैक्षणकि संस्थाच्या कार्यालयासमोर झेंडा वंदन करण्यात आले.

जव्हार : भारतीय प्रजासत्ताक दिन जव्हार परिसरात मोठ्या उत्सहात साजरा करण्यात आला, प्रत्येक कार्यालया समोर, बँकासमोर, शैक्षणकि संस्थाच्या कार्यालयासमोर झेंडा वंदन करण्यात आले. त्यांनतर अप्पर जिल्हाधिकारी कार्यालयात मुख्य शासकिय कार्यक्र मात अप्पर जिल्हधिकारी, जव्हार संदीप देखमुख यांच्या हस्ते ध्वजारोहन करण्यात आले.
यावेळी झालेल्या कार्यक्रमात प्रकल्प अधिकारी भा.प्र.से. पवनीत कौर, नगराध्यक्ष संदिप वैद्य, जव्हार पोलीस निरीक्षक घनश्याम आढाव, मुख्याधिकारी जव्हार नगर पालिका वैभव विधाते, पोलीस कर्मचारी, पत्रकार नागरीक तसेच जव्हारमधील सर्व शासकिय अधिकारी, कर्मचारी तसेच सर्व शाळांतील व महाविद्यालयातील मुख्याध्यापक, प्राचार्य, शिक्षकवर्ग व विद्यार्थी मोठ्या संख्येने उपस्थित हाते.
ध्वजारोहनानतंर नगर पालिक शाळा, के. व्हि. हायस्कूल, भारती विद्यापीठ, जयेश्वर एज्युकेशन संस्थेचे लिटील स्टार प्री प्रायमरी शाळांतील छोट्यांपासून तर मोठ्या वर्गातल्या विद्यार्थी विद्यार्थीनींनी विविध सांस्कृतीक व देशभक्तीवर गीत व नृत्य सादर केले. यावेळी उपस्थित नागरीकांनी प्रोत्साहनपर बक्षीस जाहीर केले. यावेळी देशभक्तीपर नाटीका सादर करुन देशभक्तीचा संदेश देण्यात आला. (वार्ताहर)

लेझिमच्या ठेक्यात ध्वजवंदना
मनोर : परिसरातील टेण येथील जिल्हा परिषदेच्या मराठी व उर्दू माध्यमाच्या शाळेतील विद्यार्थ्यांनी प्रजासत्ताक दिनी लेझीम द्वारे सलामी देत गावकऱ्यांनी मने जिंकली. पारंपारिक पद्धतीने निघालेले हे संचलन टेंगावपर्यंत काढण्यात आले.
मनोर परिसरात ढोल ताशांच्या गजरात प्रभात फेरी काढण्यात आली. जि. प. शाळा क्रमांक ७, ग्रामपंचायत, तेली समाज कार्यालय, मनोर पोलीस ठाणे, वन विभाग कार्यालय तसेच परिसरातील विद्यालयांमध्ये ध्वजारोहण करण्यात आले. यावेळी उर्दू शाळेची रंगरगोटी करणाऱ्या साहिल पटेल यांचा सरपंच जोत्स्ना गोवारी यांच्या हस्ते सत्कार करण्यात आला. कोकण उर्दू संस्थेचे महाविद्यालय व विद्यालय तसेच चाफेकर, शास्त्री हायस्कुलच्या विद्यार्थ्यांनी सांस्कृतीक कार्यक्रम करून ध्वजाला सलामी दिली. (वार्ताहर)

विक्रमगडमध्ये प्रजासत्ताक उत्साहात
विक्रमगड : प्रजासत्ताक दिनी येथील तहसील कार्यालयाच्या प्रांगणात तहसीलदार सुरेश सोनवणे यांनी ध्वजारोहण केले. यावेळी पोलिस अधिकारी मोरेश्वर पेंदाम यांच्या पथकाने सलामी दिली. यावेळी निवासी तहसीलदार एस.के. कामडी, पं.स. सभापती जिजाताई टोपले, नगरअध्यक्ष रविंद्र खुताडे, मुख्याधिकारी धिरज चव्हाण उपस्थितीत होते. तर पं. समिती प्रांगणातील ध्वजवंदन सभापती जिजाताई टोपले, न.पं.च्या प्रांगणातील ध्वजवंदन नगरअध्यक्ष रविंद्र खुताडे, कॉलेजचे डॉ़ नुतन मोकाशी यांच्या हस्ते झाले. (वार्ताहर)

तलासरीत प्रजासत्ताक दिन साजरा
तलासरी : भारतीय प्रजासत्ताक दिन तलासरीत उत्सहात साजरा करण्यात आला. तहसील कार्यालयाच्या आवारात तहसीलदार विशाल दौडकर यांच्या हस्ते ध्वजारोहण करण्यात आले. या वेळी तलासरीतील शाळा, महाविद्यालयाचे विद्यार्थी तसेच खासदार चिंतामण वनगा, आमदार पास्कल धनारे उपस्थित होते. तर तलासरी नगरपंचायतचे ध्वजारोहण जुने ग्रामपंचायत कार्यालय येथे पहिल्या नगराध्यक्षा स्मिता वळवी यांच्या हस्ते करण्यात आले. (वार्ताहर)