प्रहार जनशक्तीचा महावितरण कार्यालयावर नालासोपाऱ्यात मोर्चा

गेल्या दोन ते तीन दिवसांपासून वसई तालुक्यात तसेच विशेष करून विरार पूर्वेकडील परिसरात सुरू

नालासोपारा : गेल्या दोन ते तीन दिवसांपासून वसई तालुक्यात तसेच विशेष करून विरार पूर्वेकडील परिसरात सुरू असलेल्या विजेच्या लपंडावामुळे प्रहार जनशक्ती पक्षाने पालघर जिल्हाध्यक्ष हितेश जाधव यांच्या नेतृत्त्वाखाली पूर्वेकडील नाना-नानी पार्क येथील महावितरण कार्यालयावर गुरुवारी सकाळी १० वाजता मोर्चा काढला होता. अतिरिक्त कार्यकारी अभियंत्यांनी रात्रीच्या वेळी वीजखंडीत करणार नाही, असे सांगून त्यांचे निवेदन स्वीकारले आहे. तरी यापुढे वीज अशीच खंडीत होत राहिली तर विरारकर जनतेच्या संतापाचा भडका उडेल व त्यादिवशी या सत्ताधारी व महावितरणच्या अधिकाऱ्यांना पळता भुई थोडी होईल, प्रहार जनशक्ती पक्ष महावितरणाचे संबंधित अधिकाºयांच्या घरात घुसून त्यांची वीज खंडित करून त्यांच्या घराबाहेर आंदोलन करतील आणि त्या आंदोलनास महावितरण जबाबदार राहिल, असे हितेश जाधव यांनी महावितरणच्या कार्यालयातील अधिकारी व कर्मचाºयांना ठणकावून सांगितले.