पालघर: भाजपानं पालघरचा गड राखला आहे. खासदार चिंतामण वनगा यांच्या निधनानं रिक्त झालेल्या मतदारसंघात भाजपासमोर शिवसेनेनं आव्हान उभं केलं होतं. मात्र निवडणुकीच्या तोंडावर काँग्रेसचा हात सोडून भाजपाचं कमळ हाती धरणाऱ्या राजेंद्र गावित यांच्यावर पालघरच्या जनतेनं विश्वास दाखवला. गावित यांनी शिवसेनेचे उमेदवार श्रीनिवास वनगा यांचा 44 हजार 589 मतांनी पराभव केला. यानंतर शिवसेनेचे पक्षप्रमुख उद्धव ठाकरे यांनी भाजपासह निवडणूक आयोगावर टीका केली आहे. पालघर निवडणुकीत पराभव झाल्याचं जाहीर झालं आहे, पण मी पराभव मान्य करत नाही, असं उद्धव ठाकरे म्हणाले आहेत. भाजपाचे उमेदवार राजेंद्र गावित पहिल्या फेरीपासूनच आघाडीवर होते. सुरुवातीच्या काही फेऱ्यांमध्ये बहुजन विकास आघाडीच्या बळीराम जाधव दुसऱ्या क्रमांकावर होते. त्यानंतर ते पिछाडीवर गेले आणि शिवसेनेचे श्रीनिवास वनगा दुसऱ्या क्रमांकावर आले. मात्र वनगा यांना एकाही फेरीत गावित यांना मागे टाकता आलं नाही. गावित यांना दुपारी एकपर्यंत 2 लाख 37 हजारांपेक्षा जास्त मतं मिळाली. तर श्रीनिवास वनगा यांना 2 लाख 9 हजार मतं मिळाली. Live Updates:
- शिवसेनेचं पालघरमध्ये काम सुरूच राहील-निवडणूक आयोगाला लोकशाहीची बुज असेल तर पालघरमधल्या प्रकरणाचा छडा लावा. तिथल्या निवडणूक अधिकाऱ्याला निलंबित करा- उद्धव ठाकरे- भाजपाचे उमेदवार राजेंद्र गावित ४४ हजार ५८९ मतांनी विजयी
- 23 व्या फेरी अखेर भाजपाच्या राजेंद्र गावित यांच्याकडे 31 हजार 616 मतांची आघाडी
- सतराव्या फेरीनंतरही गावितांची आघाडी कायम; गावितांना 1 लाख 90 हजार 492 मतं, श्रीनिवास वनगा यांना 1 लाख 68 हजार 477 मतं; बहुजन विकास आघाडीच्या बळीराम जाधव यांना 1 लाख 42 हजार 350 मतं.
- 16 व्या फेरीनंतर गावित 1 लाख 79 हजार 344 मतांसह आघाडीवर; श्रीनिवास वनगा 1 लाख 56 हजार 757 मतांसह दुसऱ्या क्रमांकावर
- पंधराव्या फेरीनंतर राजेंद्र गावित यांच्याकडे 29 हजार 697 मतांची आघाडी
- दहाव्या फेरीनंतरही भाजपाच आघाडीवर; भाजपाच्या गावितांना 1 लाख 13 हजार 183 मतं; श्रीनिवास वनगा यांना 95 हजार 772 मतं, बळीराम जाधव 78 हजार 185 मतांसह तिसऱ्या क्रमांकावर.
- नवव्या फेरीनंतर राजेंद्र गावित 1 लाख 2 हजार 154 मतांसह आघाडीवर; चिंतामण वनगा यांना 84 हजार 311 मतं, तर बळीराम जाधव यांना 69,963 मतं
- आठव्या फेरीनंतर राजेंद्र गावित 91 हजार 795 मतांसह आघाडीवर; शिवसेनेचे श्रीनिवास वनगा 73 हजार 387 मतांसह दुसऱ्या क्रमांकावर, बळीराम जाधव 62 हजार 187 मतांसह तिसऱ्या स्थानी
- सातव्या फेरीनंतरही राजेंद्र गावित यांची आघाडी कायम; राजेंद्र गावित- 80 हजार 97, श्रीनिवास वनगा- 62 हजार 680, बळीराम जाधव 54 हजार 903
- सहाव्या फेरीनंतर राजेंद्र गावित यांना 67 हजार 975 मतं; श्रीनिवास वनगा 52 हजार 893 मतं, तर बळीराम जाधव यांना 47 हजार 606 मतं
- पाचव्या फेरीनंतरही राजेंद्र गावित आघाडीवर
- चौथ्या फेरी अखेर भाजपाच्या राजेंद्र गावित यांना 79 हजार 376 मतं तर सेनेच्या श्रीनिवास वनगा यांना 60 हजार 913 मतं.- चौथ्या फेरीनंतर बविआचे बळीराम जाधव 63 हजार 360 मतांसह दुसऱ्या क्रमांकावर -चौथ्या फेरीनंतर भाजपा 16 हजार 069 मतांनी पुढे
- तिसऱ्या फेरीनंतर भाजपाला 6 हजार 857 मतांची आघाडी
- राजेंद्र गावित (भाजपा) 33464, बळीराम जाधव (बविआ) 26607, श्रीनिवास वनगा (शिवसेना) 26318
- दुसऱ्या फेरीनंतर भाजपा- 23271, बविआ- 18923, शिवसेना- 18505, काँग्रेस- 3422
- दुसऱ्या फेरीनंतर भाजपा साडेचार हजार मतांनी आघाडीवर
- पहिल्या फेरीत राजेंद्र गावित (भाजपा) 11,236, बळीराम जाधव (बविआ) 11090, श्रीनिवास वनगा (शिवसेना) 8190
- राजेंद्र गावित आघाडीवर; बविआचे बळीराम जाधव दुसऱ्या क्रमांकावर
- निवडणूक अधिकारी आणि पत्रकारांमध्ये वादावादी; पहिल्या फेरीनंतरही आकडेवारी जाहीर न केल्यानं हमरीतुमरी
- विक्रमगडमध्ये माकपा उमेदवार पुढे
- पोस्टल मतांमध्ये भाजपा आघाडीवर
- डहाणूमध्ये भाजपाचे राजेंद्र गावित पुढे
- मतमोजणीला सुरुवात
- थोड्याच वेळात मतमोजणीला सुरुवात होणार
- भाजपा, शिवसेनेमध्ये कडवी लढत