Vasai Virar News | Latest Vasai Virar News in Marathi | Vasai Virar Local News Updates | ताज्यबातम्या वसई विरार | वसई विरार समाचार | Vasai Virar Newspaper

नालासोपारा (मंगेश कराळे) :- ऍनीमल बर्थ कंन्ट्रोल सेंटरच्या नावावर नागरिकांना गुंतवणूक करण्यास सांगून लाखोंची फसवणूक करणाऱ्या आरोपीला बोळींज पोलिसांनी पुण्याच्या कोथरूड परिसरातून ताब्यात घेत अटक केल्याची माहिती बोळींज पोलिसांनी सोमवारी दिली आहे. विशेष म्हणजे आरोपीला त्याच्या मर्सडीज कारच्या नंबर व रंगावरून पोलिसांनी अटक केली आहे. आरोपीने नागरिकांना मेनका गांधींचा धाक दाखवून ही लाखोंची फसवणूक केल्याचे पोलीस तपासात पुढे आले आहे.विरारच्या गोकुळ टाऊनशीप येथील ओम शिवम सोसायटीत राहणाऱ्या हरेन राठोड (३९) यांची १७ ऑक्टोबर २०२३ ते १४ एप्रिल २०२५ पर्यंत गुंतवणूकीच्या नावावर लाखोंची फसवणूक झाली होती. आरोपी हर्षवर्धन चौधरीने विरार, नाशिक व जळगाव येथे ऍनीमल बर्थ कंन्ट्रोल सेंटरमध्ये गुंतवणुक करण्याचे बहाण्याने त्यांच्याकडून ८ लाख १५ हजार रुपये व साक्षीदार सुनिता परमार यांचेकडुन ३ लाख ६८ हजार ५०० रुपये असे एकुण ११ लाख ८३ हजार ५०० रुपये घेतले होते. सदर ठिकाणी ऍनीमल बर्थ कंन्ट्रोल सेंटर न खोलता त्यांच्याकडून विश्वासाने घेतलेले पैसे परत न करता फसवणुक केली होती. तसेच आरोपीने त्यांना शिवीगाळी करुन खोटया गुन्हयात अडकवण्याची धमकी दिली होती. याप्रकरणी बोळींज पोलिसांनी १४ एप्रिलला गुन्हा दाखल केला होता. याप्रकरणी बोळींजचे वरिष्ठ पोलीस निरीक्षक प्रकाश कावळे यांनी गुन्ह्याचा तपास करून आरोपीला अटक करण्याच्या सूचना तपास अधिकारी व सपोनि रुपेश दळवी व त्यांच्या टीमला दिल्या होत्या.आरोपीच्या शोधात असताना पोलिसांना तो पुण्यात असल्याची माहिती मिळाली. शुक्रवारी तपास अधिकारी रुपेश दळवी व त्यांची टीम पुण्याला रवाना झाली होती. आरोपीच्या मर्सडीज गाडीचा नंबर आणि रंग यावरून कोथरूड येथील चांदणी चौकातील एका इमारतीमधून हर्षवर्धन चौधरीला पकडले. आरोपीला शनिवारी वसई न्यायालयात हजर केल्यावर चार दिवसांची पोलीस कोठडी सुनावण्यात आली आहे. आरोपीला अटक केल्याची माहिती मिळाल्यावर फसवणूक झालेल्या ४ ते ५ नागरिकांनी वसई न्यायालयात येऊन बोळींज पोलिसांचे अभिनंदन केले.पोलिसांनी दिलेल्या माहितीनुसार, आरोपीने मेनका गांधी यांच्या नावाने मुंबईसह आजूबाजूच्या राज्यात दहशत केली होती. आरोपी त्यांचे नाव वापरून पोलिसांवर दबाव आणायचा व पोलीस ठाण्यात प्राण्यांचे गुन्हे दाखल करायचा. मेनका गांधी माझ्या खास असून त्यांनीच ऍनीमल बर्थ कंन्ट्रोल खोलण्यासाठी सांगून लोकांची लाखो रुपयांची व प्राणी प्रेमींच्या भावनांशी खेळून फसवणूक केली आहे. आरोपीवर सध्या बोळींज, खार आणि पार्कसाईट पोलीस ठाण्यात गुन्हे दाखल असून फसवणूक झालेल्या नागरिकांनी संपर्क साधण्याचे आवाहन बोळींज पोलिसांनी केले आहे.

Vasai Virar (Marathi News)

ठेका रद्द करण्यासह संबंधित अधिकारी यांना नोटीस बजावणार ...

एमआयडीसी परिसरातील १३ गावांतील नागरिकांचे आरोग्यही धोक्यात ...

वाडा तालुक्यात १४ गाव-पाड्यांत टँकरने पाणी : विहिरींवर भांड्यांची रांग ...

पालघर जिल्ह्यात सोयीसुविधांचा अभाव ...

कारचा नंबर व कलरवरून आरोपीचा लागला सुगावा ...