शहरं
Join us  
Trending Stories
1
Maharashtra Mumbai Kalyan Lok Sabha Election 2024 Live Updates: मतदारांचा उत्साह; सकाळपासूनच लांब रांगा
2
आजचे राशीभविष्य: धनलाभ, मान-सन्मान लाभतील; व्यापार वृद्धी, यशकीर्तीचा आनंदी दिवस
3
राज्यातील अखेरचा टप्पा; वाढवा मतदानाचा टक्का; महाराष्ट्रातील १३ जागांसह देशातील ४९ मतदारसंघांत आज मतदान
4
Lok sabha election 2024: अक्षयकुमार ते जान्हवी कपूर! कलाकारांनी बजावला मतदानाचा हक्क
5
EPFO नं क्लेम सेटलमेंट नियमांत केला बदल, Aadhaar डिटेल्स शिवायही होणार 'हे' काम
6
नृसिंह जयंती: ७ राशींना सौभाग्याचा काळ, संचित धनवृद्धी; यश-प्रगती संधी, महादेवही शुभ करतील!
7
खूशखबर! मान्सून आला रे... अंदमान-निकोबारमध्ये धडक, ३१ मेपर्यंत केरळमध्ये, या तारखेला पोहोचणार महाराष्ट्रात
8
राहुल, अखिलेश यांच्या प्रचारसभेत गोंधळ; नेत्यांना भेटण्यासाठी उत्साहाच्या भरात लोक बॅरिकेड्स तोडून मंचावर  
9
चप्पल व्यापाऱ्याकडे छापा; नोटा पाहून अधिकारी थक्क, ४० कोटींची रोकड जप्त! 
10
सेक्स स्कॅण्डल : प्रज्वलविरोधात अटक वॉरंट
11
‘आप’ला चिरडण्याचे कारस्थान; भाजपने सुरू केले ‘ऑपरेशन ब्रूम’; केजरीवाल यांचा आरोप
12
जलदगतीने वजन कमी करणे आरोग्यासाठी ठरू शकते धोकादायक, औषधांचा वापर टाळण्याचे आयसीएमआरचे आवाहन
13
RR vs KKR सामना रद्द! समान १७ गुण असूनही SRH क्वालिफायर १ साठी पात्र, जाणून घ्या कारण
14
इराणचे राष्ट्रपती रईसी यांची हत्या? अमेरिकेने व्यक्त केला संशय, बोलावली तातडीची बैठक 
15
बिल्डरच्या १७ वर्षीय मुलाने घेतला दाेघांचा बळी
16
EVM वर ८ वेळा मतदान करताना दिसला तरुण, व्हिडीओ व्हायरल, राहुल गांधींनी दिला सक्त इशारा
17
राहुल गांधी, राजनाथ सिंह, श्रीकांत शिंदे, स्मृती इराणी...पाचव्या टप्प्यातील हायप्रोफाईल लढती
18
मतदानापूर्वी नवी मुंबई पोलीस आयुक्तालयाचा वाहतुकीबाबत महत्त्वपूर्ण निर्णय
19
उत्तर प्रदेशात भाजप किती जागा जिंकणार? राहुल गांधींनी थेट आकडाच सांगितला...
20
RR vs KKR सामन्याचा ग्राऊंड रिपोर्ट! मॅच रद्द झाल्यास असं असेल Playoffs चं वेळापत्रक 

उपमुख्यमंत्र्यांच्या भेटीनंतर आमदारांचा युटर्न

By ऑनलाइन लोकमत | Published: May 27, 2023 5:32 PM

आधी केला पत्राचार : आता म्हणतात, अफवांना बळी पडू नका, हा विरोधकांचा डाव

आर्वी (वर्धा) : येथील आमदार दादाराव केचे यांनी उपमुख्यमंत्री देवेंद्र फडणवीस यांना पत्र पाठवून माझ्या परवानगीशिवाय दिलेला निधी परत घ्या, अन्यथा राजीनामा देण्याचा इशारा दिला होता. परंतु लगेच मुंबईत उपमुख्यमंत्र्यांसोबत बैठक आटोपून आर्वीत परतल्यावर आमदारांनी पत्रकार परिषद घेवून 'माझी कुठलीही नाराजी नाही, कोणताही निधी परत जाणार नाही. हा विरोधकांचा डाव असून या अफवांवर विश्वास ठेवू नका' असे आवाहन केले. त्यामुळे आमदारांचा हा यूटर्न आणि 'ना' राजीनाम्याची भूमिका चर्चेचा विषय ठरत आहे.

आर्वीचे रहिवासी तथा उपमुख्यमंत्री देवेंद्र फडणवीस यांचे स्वीय सहायक सुमित वानखेडे यांनी नागरिकांच्या मागणीनुसार विकास कामाकरिता निधी मंजूर करण्याचा सपाटा लावला. हा सर्व प्रकार पाहून आमदार दादाराव केचे यांनी जाहीर सभेतून आगपाखड करीत उपमुख्यमंत्र्यांनाही पत्र पाठवून नाराजी व्यक्त केली होती. या सर्व घडामोडीनंतर मुंबईमध्ये उपमुख्यमंत्र्यांच्या उपस्थितीत बैठक झाल्यावर आमदारांनी भूमिकाच बदलली. उपमुख्यमंत्री देवेंद्रजी फडवणीस यांनी माझे समाधान करून कारंजाकरिता मंजूर केलेला पाच कोटींचा निधी परत जाणार नाही. तसेच आष्टी व आर्वीकरिता जो निधी देणे बाकी होता, त्यावरही निर्णय झाला आहे. त्यामुळे आता राजीनामा देण्याचा प्रश्नच उद्भवत नाही, असे आमदार केचे यांनी विश्राम गृहात आयोजित पत्रकार परिषदेत सांगितले.

नाल्या व पुलाच्या बांधकामासाठीच हा निधी नसून सर्वधर्म समभावाच्यादृष्टीने अनेक संतांच्या पावन कार्यासाठी, सर्व समाजबांधवांसाठी हा निधी उपलब्ध करून दिला आहे. ही विकासकामे विरोधकांना सहन होत नसल्याने माझी बदनामी करण्याचा सर्व प्रयत्न सुरू आहे. संताजी महाराज सभागृह व इतरत्र जी कामे आहे, ती कोणतीही कामे रद्द होणार नाहीत. माझ्याबद्दल होत असलेल्या अफवांवर विश्वास ठेवू नका. मी तुमचाच आहे, तुम्ही माझे आहात हे लक्षात घ्या, असे भावनिक आवाहनही आमदार केचे यांनी केले. या पत्रकार परिषदेला अनिल जोशी, राजाभाऊ गिरधर, प्रशांत वानखडे, विनय डोळे, डॉ. श्यामसुंदर भुतडा, बाळा नादुरकर, नीलेश देशमुख, जगन गाठे, राजाभाऊ वानखेडे, मिलिंद हिवाळे, दिनेश भगत, रोशन पवार आदींची उपस्थिती होती.

विरोधाचा प्रश्नच नाही

उपमुख्यमंत्र्यांचे स्वीय सहायक सुमित वानखेडे आणि माझ्यात कोणताही गैरसमज नाही. विकास कामांसंदर्भात आम्ही उपमुख्यमंत्री देवेंद्र फडणवीस यांच्याकडे जातो, तेव्हा ते कोणताही कागद सुमित यांच्याकडे द्यायला लावतात. त्यामुळे विरोधाचा प्रश्न उद्भवत नाही. सुमित हे विकासकामाला हातभार लावतात, असे आमदार दादाराव केचे यांनी सांगितले.

टॅग्स :PoliticsराजकारणDadarao Kecheदादाराव केचेDevendra Fadnavisदेवेंद्र फडणवीसwardha-acवर्धा