मुख्य बाजारपेठेतील दोन दुकाने फोडली

आफिद हकिमउद्दीन इसाजी यांचे गोल बाजार परिसरात घर आणि तळ मजल्यावर हार्डवेअरचे दुकान आहे. याच दुकानाला चोरट्यांनी रात्रीच्या सुमारास टार्गेट केले. दुकानाचे शटर वाकवून दुकानातील गल्ल्यातून १ लाख ४० हजारांची रोख चोरून नेली. सकाळी ही घटना उघडकीस येताच इसाजी यांनी शहर पोलीस स्टेशन गाठून तक्रार दाखल केली. तक्रारीवरून पोलिसांनी भादंविच्या कलम ४५७, ३८० अन्वये गुन्हा दाखल केला आहे.

ठळक मुद्देरोख रकमेसह लाखोंचा मुद्देमाल पळविला

लोकमत न्यूज नेटवर्क
वर्धा : शहरातील मुख्य बाजारेपठेतील दत्त मंदिर जवळील एका सराफा व्यावसायिकाचे दुकान आणि गोल बाजार परिसरातील एका हार्डवेअरच्या दुकानाला चोरट्यांनी टार्गेट करून तेथून रोखसह लाखोंचा मुद्देमाल चोरून नेला. ही घटना मंगळवारी सकाळी उघडकीस आली. हार्डवेअरच्या दुकानातून चोरट्यांनी तब्बल १.४० लाखांची रोख तर ज्वेलरीच्या दुकानातून सोन्या-चांदीचे दागिने चोरून नेल्याचे सांगण्यात आले.
आफिद हकिमउद्दीन इसाजी यांचे गोल बाजार परिसरात घर आणि तळ मजल्यावर हार्डवेअरचे दुकान आहे. याच दुकानाला चोरट्यांनी रात्रीच्या सुमारास टार्गेट केले. दुकानाचे शटर वाकवून दुकानातील गल्ल्यातून १ लाख ४० हजारांची रोख चोरून नेली. सकाळी ही घटना उघडकीस येताच इसाजी यांनी शहर पोलीस स्टेशन गाठून तक्रार दाखल केली. तक्रारीवरून पोलिसांनी भादंविच्या कलम ४५७, ३८० अन्वये गुन्हा दाखल केला आहे. तर मुख्य बाजारपेठेतील दत्त मंदीर चौकातील एका ज्वेलरीच्या दुकानाचे शटर चोरट्यांनी रात्रीच्या सुमारास वाकविले. शिवाय दुकानातून सोन्या-चांदीचे दागिने चोरून नेले. याही घटनेची नोंद शहर पोलिसांनी घेतली असली तरी या सराफा व्यावसायिकाने शहर पोलीस ठाण्यात सायंकाळी ५.२० वाजेपर्यंत तक्रार नोंदविली नव्हती. सकाळी घटना उघडकीस येताच श्वान पथक व ठसे तज्ज्ञाच्या चमूला पाचारण करण्यात आले होते. परंतु, त्यांनाही चोरट्याबाबत कुठलाही ठोस सुगावा मिळाला नसल्याचे सांगण्यात आले. पुढील तपास शहर पोलीस करीत आहेत.