सेवाग्रामच्या अहिंसाभूमीतील झाडांचा खून अस्वीकार्य

राष्ट्रपिता महात्मा गांधी यांचे पणतू तुषार गांधी यांनीवर्धा आणि सेवाग्राममधील मोठी झाडे ही अहिंसा आणि करुणेची स्मारके आहेत, अशा प्रकारच्या झाडांचा खून अस्वीकार्य होतो, अशी खंत व्यक्त केली आहे.

ठळक मुद्देवृक्षतोड थांबविण्यासाठी जिल्हाधिकारी यांना निवेदन

लोकमत न्यूज नेटवर्क
वर्धा: सेवाग्राम विकास आराखड्यांतर्गत रस्त्याच्या रुदीकरणाकरिता वर्धा ते सेवाग्राम मार्गावरील असंख्य वृक्ष तोडली जात असल्याने ही वृक्षतोड थांबविण्यासाठी गांधीवाद्यांसह निसर्गप्रेमींनी आवाज उठविला आहे. तसेच राष्ट्रपिता महात्मा गांधी यांचे पणतू तुषार गांधी यांनीही वर्धा आणि सेवाग्राममधील मोठी झाडे ही अहिंसा आणि करुणेची स्मारके आहेत, अशा प्रकारच्या झाडांचा खून अस्वीकार्य होतो, अशी खंत व्यक्त करुन ही वृक्षतोड थांबविण्याची मागणी त्यांनी जिल्हाधिकारी विवेक भीमनवार यांना पाठविलेल्या निवेदनातून केली आहे.

वृक्ष तोडणे हिंसाचार, निसर्गावर आणि आपल्या वातावरणाविरुद्ध क्रौर्य आहे. ज्यांना संवर्धन आणि करुणेची नितांत आवश्यकता आहे. वर्धा येथील झाडे आमच्या स्वातंत्र्य चळवळीच्या इतिहासाचे सजीव साक्षीदार आहेत.  
माझे पूर्वज त्यांच्यामध्ये राहिले तेव्हापासून ते जगले आहेत. त्यांना जिवंत राहण्याचा आणि त्यांनी पाहिलेल्या महान व्यक्ती आणि त्यांचे स्मारक बनण्याचा हक्क आहे. आपण स्वत:चे जीवन आणि आपले भविष्य जपले पाहिजे ही आपली स्वार्थी गरज आहे. तसेच आपण झाडांचेही संरक्षण केले पाहिजे. विशेषत: वर्धा जिल्हा हा एक संरक्षित वारसा म्हणून घोषित केला गेला आहे. सेवाग्रामच्या आसपासच्या भागातही उद्योगास नकार दिला गेला आहे. याचा अर्थ सेवाग्रामच्या परिसराच्या पर्यावरणास होणारे कोणतेही नुकसान हे या अधिकृत धोरणाचे गुन्हेगारी उल्लंघन आहे.

वर्धा व सेवाग्राम येथील रहिवासी सेवाग्राम व वर्धा येथील उर्वरित झाडे वाचविण्यासाठी सर्वतोपरी प्रयत्न करीत आहेत. वृक्षांच्या संरक्षणासाठी त्यांच्या प्रयत्नाचे मी समर्थन करतो. वर्धा आणि सेवाग्राममधील वृक्षांची हत्या हा एक गुन्हा असून शेवटपर्यंत अशा साधनांचे समर्थन करता येत नाही, त्यामुळे सहानुभूतीपूर्वक विचार करुन ही वृक्ष तोड थांबवावी, अशी मागणीही तुषार गांधी यांनी निवेदनात नमूद केले आहे.