वाहन चालविण्याच्या परवान्याला लागले सव्वा वर्ष

‘शासकीय काम अन बारा महिने थांब’ या उक्तीचा परिचय उपप्रादेशिक परिवहन विभागाने दिला आहे

आष्टी (श.) :  ‘शासकीय काम अन बारा महिने थांब’ या उक्तीचा परिचय उपप्रादेशिक परिवहन विभागाने दिला आहे. चारचाकी वाहन चालविण्याचा परवाना मिळावा म्हणून सव्वा वर्षापूर्वी अर्ज करण्यात आला. अर्जदाराने ट्रायल दिली, पैसे अदा केले; पण संबंधित अधिकार्‍यांनी अद्याप परवाना दिला नाही. या प्रकरणी त्वरित कारवाई करावी, अशी मागणी अर्जदार जवळेकर यांनी केली आहे.

‘महाराष्ट्र शासन शिकाऊ वाहन चालक’ या हेडखाली ८७ रुपये ३0 पैसे आकरण्यात आलेत. या शुल्काचीही पुर्तता त्यांनी केली. यानंतर संबंधित अधिकार्‍यांनी महिनाभरात गाडी चालविण्याचा परवाना मिळून जाईल, असे सांगितले. आपला परवाना आज ना उद्या येईल, या आशेवार सागर यांनी दिवस काढलेत. प्रत्येक महिन्याला कार्यलयास भेट देऊन विचारणा केली. त्यावर होकार मिळत होता; पण प्रत्यक्षात परवाना मिळण्याची कुठलीच आशा दिसली नाही.