कंटेनर व ट्रॅक्टरची समोरासमोर धडक

वर्धेकडून नागपूरकडे जाणारा एच.पी. गॅसचा टँकर क्रं. एम.एच.४३ ए.बी. २४०८ हा वर्धेकडे येत असलेल्या एम.एच.४० ए.के.२५६८ क्रमांकाच्या कंटेनरला पवनार लगतच्या कॅनल पुलाजवळ धडकला.

ठळक मुद्देजीवितहानी टळली

लोकमत न्यूज नेटवर्क
पवनार : वर्धेकडून नागपूरकडे जाणारा एच.पी. गॅसचा टँकर क्रं. एम.एच.४३ ए.बी. २४०८ हा वर्धेकडे येत असलेल्या एम.एच.४० ए.के.२५६८ क्रमांकाच्या कंटेनरला पवनार लगतच्या कॅनल पुलाजवळ धडकला. या कंटेनरमध्ये सळाख होती. या अपघातात कुठलीही जीवितहानी झाली नाही. ही घटना ३० आॅक्टोबरला रात्री ९.३० वाजताच्या सुमारास घडली.
या अपघातात जर एच.पी. गॅसच्या टँकरमध्ये गॅस असती तर मोठा स्फोट झाला असता. सदर टँकर खाली असल्यामुळे मोठी दुर्घटना टळली, असे पोलिसांकडून सांगण्यात आले आहे. अपघातानंतर दोन्ही गाड्यांचे चालक घटनास्थळावरून पसार झाल्याने पोलिसांची मोठी दमछाक झाली. सदर घटनेमुळे काही काळ वाहतूक विस्कळीत झाली होती. स्थानिकांच्या मदतीने वाहतूक सुरळीत करण्यात आली असून पुढील तपास सेवाग्राम पोलीस करीत आहेत.