वर्धेत १३३ नवे रूग्ण तर ४ रुग्णांचा मृत्यू

वर्धा जिल्ह्यात कोरोना बाधित रुग्णांची संख्या दिनांक २९ रोजी १३३ रुग्ण आढळले तर ४ रुग्णांचा मृत्यू झाला आहे.

लोकमत न्यूज नेटवर्क
वर्धा: जिल्ह्यात कोरोना बाधित रुग्णांची संख्या दिनांक २९ रोजी १३३ रुग्ण आढळले तर ४ रुग्णांचा मृत्यू झाला आहे. आता मृतांची संख्या १२१ वर पोहचली आहे.
तर मृतांमध्ये वर्धा येथील ७७ व ५८ वर्षीय पुरुष, आर्वी येथील ७५, वर्षीय महिला, देवळी येथील ८५ वर्षीय महिला, या ४ रुग्णांचा मृत्यू झाला आहे.
तर नव्याने पॉझिटिव्ह आलेल्या १३३ जणांमध्ये ९० पुरुष, ४३ महिला आहेत. यात वर्धा ६३ (पुरुष ४० महिला २३), देवळी ६ (पुरुष ४ महिला २). सेलू १० (पुरुष ८ महिला २) , आर्वी ११ (पुरुष ८ महिला ३). कारंजा ३ (पुरुष ३.) , हिंगणघाट ३१ (पुरुष २१ महिला १०),
मंगळवारी ७९ रुग्णांना सुट्टी देण्यात आली आहे. आजपर्यंत ४४५४ रुग्ण कोरोना बाधितांची संख्या पोहचली तर २३१७ रुग्ण कोरोनामुक्त झाले. २०१५ रुग्णांवर उपचार सुरू आहेत.