CM Yogi Adityanath Visits Maa Pateshwari Temple: देशभरात शारदीय नवरात्रोत्सव मोठ्या उत्साहात साजरा केला जात आहे. भाविकांमध्ये प्रचंड उत्साह आहे. दरम्यान, उत्तर प्रदेशचे मुख्यमंत्री आणि गोरक्षपीठाधीपती योगी आदित्यनाथ शनिवारी दोन दिवसांच्या दौऱ्यावर बलरामपूर येथे आले. यावेळी त्यांनी माँ पाटेश्वरी मंदिरात रात्र घालवली. त्यांच्या भेटीदरम्यान, मुख्यमंत्री योगी आदित्यनाथ यांनी मंदिराच्या व्यवस्थेची आणि नवरात्रोत्सवाच्या तयारीचा आढावा घेतला. तसेच व्यवस्था कायम ठेवली जाईल याची खात्री करण्याचे निर्देश अधिकाऱ्यांना दिले.
मुख्यमंत्री योगी आदित्यनाथ यांनी रविवारी सकाळी तुलसीपूर येथील देवी शक्तीपीठ माँ पाटेश्वरी मंदिरात भेट दिली. यावेळी त्यांनी पूजा आणि प्रार्थना केली. यावेळी मुख्यमंत्री योगींच्या हस्ते पाटेश्वरी देवीची आरती देखील करण्यात आली. मुख्यमंत्र्यांनी उत्तर प्रदेशच्या सुखी, निरोगी आणि प्रसन्नतेसाठी देवीला प्रार्थना केली. यानंतर, मुख्यमंत्री गोशाळेत गेले, जिथे त्यांनी गायींना गूळ आणि चारा दिला. तसेच मुख्यमंत्री योगी आदित्यनाथ यांनी मंदिर परिसराच्या व्यवस्थेचीही पाहणी केली.
यावेळी मुख्यमंत्री योगी आदित्यनाथ यांनी मंदिरात आलेल्या भाविकांचे स्वागत केले. मुलांना पाहून ते त्यांच्या जवळ गेले आणि त्यांची विचारपूस केली. त्यानंतर त्यांनी त्यांना चॉकलेट दिले आणि परिश्रमपूर्वक अभ्यास करण्याचे आवाहन केले. यावेळी मंदिराचे महंत, मिथिलेश नाथ योगी आणि गोरखपूर येथील कालीबारी मंदिराचे महंत रवींद्र दास हे देखील उपस्थित होते.
Web Summary : CM Yogi Adityanath visited Maa Pateshwari temple, overseeing arrangements for Navratri. He prayed for Uttar Pradesh's prosperity and interacted with devotees, offering children chocolates and encouraging them to study diligently. He also visited the cowshed and offered food to the cows.
Web Summary : सीएम योगी आदित्यनाथ ने माँ पाटेश्वरी मंदिर का दौरा किया, नवरात्रि की व्यवस्था का निरीक्षण किया। उन्होंने उत्तर प्रदेश की समृद्धि के लिए प्रार्थना की और भक्तों के साथ बातचीत की, बच्चों को चॉकलेट दी और उन्हें लगन से पढ़ाई करने के लिए प्रोत्साहित किया। उन्होंने गोशाला का भी दौरा किया और गायों को चारा खिलाया।