Trick! Reverse transaction made from swipe machine under the pretext of payment; Six arrested | चालबाजी ! पैसे देण्याच्या बहाण्याने स्वॉईप मशीनमधून केले रिव्हर्स ट्रान्झॅक्शन; सहा जण अटकेत

चालबाजी ! पैसे देण्याच्या बहाण्याने स्वॉईप मशीनमधून केले रिव्हर्स ट्रान्झॅक्शन; सहा जण अटकेत

ठळक मुद्देस्वाईप मशीनने पैसे भरण्याचा बहाणा करत पंपावरील मशीन कर्मचाऱ्याकडून ताब्यात घेतलीकर्मचाऱ्याला बोलण्यात गुंतवून ठेवत एका तरुणाने पैसे भरण्याऐवजी उलट रिव्हर्स ट्रान्झॅक्शन केले

उस्मानाबाद : इंधन भरल्यानंतर स्वाईप मशीनने पैसे देण्याच्या बहाण्याने उलट त्यातूनच १० हजार रुपये लांबविणाऱ्या तरुणांना मंगळवारी पोलिसांनी गजाआड केले आहे. याप्रकरणी त्यांच्यावर नळदुर्ग ठाण्यात गुन्हाही दाखल करण्यात आला आहे.

तुळजापूर तालुक्यातील नळदुर्ग येथील एका पेट्रोल पंपावर मंगळवारी पहाटेच्या सुमारास ६ तरुण एका कारने दाखल झाले. येथे त्यांनी वाहनात इंधन भरून घेतल्यानंतर स्वाईप मशीनने पैसे भरण्याचा बहाणा करत पंपावरील कर्मचारी प्रवीण गायकवाड यांच्याकडून ही मशीन ताब्यात घेतली नंतर काही तरुणांनी प्रवीण यांना बोलण्यात गुंतवून ठेवले. याच काळात एका तरुणाने पैसे भरण्याऐवजी उलट त्यातूनच रिव्हर्स ट्रान्झॅक्शनच्या माध्यमातून खात्यातील १० हजार रुपये लांबविले व तेथून सर्वांनीच पोबारा केला. 

हा फसवणुकीचा प्रकार सकाळी १० वाजण्याच्या सुमारास लक्षात आला. याबाबतची माहिती मिळाल्यानंतर नळदुर्ग पोलिसांनी पंपावरील सीसीटीव्ही फुटेज तपासत कारचे वर्णन बिनतारी संदेश यंत्रणेने जिल्हाभर प्रसारित केले. दरम्यान, दुपारी संबंधित वर्णनाची कार ही तुळजापूर-नळदुर्ग रस्त्यावर नादुरुस्त अवस्थेत उभी असल्याची माहिती मिळाल्यानंतर पोलिसांनी याठिकाणी धाव घेऊन कार ताब्यात घेत विजय धोंडिराम सूर्यवंशी, नितीन आनंद भिडे, आशपाक दस्तगीर शेख, सोहम लक्ष्मीकांत पाटील, ज्ञानेश्वर गंजेराम नरोडे, सचिन भाऊलाल पाटील यांना ताब्यात घेतले. हे सर्व आरोपी नाशिक येथील असून, त्यांच्यावर गुन्हा दाखल करण्यात आल्याचे पोलिसांनी सांगितले.

Web Title: Trick! Reverse transaction made from swipe machine under the pretext of payment; Six arrested

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.