हिमालयात ट्रेकिंगची सुवर्णसंधी! IRCTC ने आणले खास टूर पॅकेज, किंमत फक्त ₹8,900...

IRCTC Plan: या टूर पॅकेजमध्ये तुम्हाला हिमालयातील चार निसर्गरम्य ठिकाणे पाहायला मिळतील.

IRCTC Plan: तुम्हाला ट्रेकिंगची आवड असेल आणि हिमालयाच्या निसर्गसौंदर्याचा जवळून अनुभव घ्यायचा असेल, तर IRCTC तुमच्यासाठी खास संधी घेऊन आली आहे. IRCTC ने नोव्हेंबर महिन्यात उत्तराखंडच्या चोपता, तुंगनाथ, चंद्रशिला आणि देवरियाताल या चार आयकॉनिक ठिकाणांचा पाच दिवसांचा ट्रेकिंग टूर आयोजित केला आहे.

पाच दिवसांत चार अप्रतिम ठिकाणे

या ट्रेकमध्ये सहभागी तुम्हाला चोपता, चंद्रशिला, तुंगनाथ आणि देवरियाताल या ठिकाणांचे निसर्गरम्य अनुभव मिळतील.

चंद्रशिला शिखरावरून तुम्ही हिमालयाच्या श्रेणींवर उगवणारा अविस्मरणीय सूर्योदय पाहू शकता.

तुंगनाथ मंदिरात दर्शन घेण्याची संधी मिळेल, जे जगातील सर्वांत उंच शिवमंदिर मानले जाते.

देवरियाताल तलाव त्याच्या शांततेसाठी आणि रम्य पर्वतरांगांसाठी ओळखला जातो.

या ट्रेकदरम्यान प्रवाशांना बर्फाच्छादित पर्वत, हिरव्यागार दऱ्या, आणि स्थानिक गावांच्या संस्कृतीचा अनुभव घेता येईल.

प्रवासाची तारीख आणि शुल्क

IRCTC ने नोव्हेंबर आणि डिसेंबर महिन्यांसाठी खालील तारखा जाहीर केल्या आहेत:

15 नोव्हेंबर – 19 नोव्हेंबर

16 नोव्हेंबर – 20 नोव्हेंबर

23 नोव्हेंबर – 27 नोव्हेंबर

29 नोव्हेंबर – 3 डिसेंबर

30 नोव्हेंबर – 4 डिसेंबर

प्रत्येक प्रवाशासाठी ट्रेक पॅकेजची किंमत ₹8,900 निश्चित करण्यात आली आहे. प्रवाशांना उपलब्ध आसनसंख्येनुसार बुकिंग करता येईल.

या टूरची सुरुवात ऋषिकेश येथून होईल.

पहिल्या दिवशी प्रवास सारी गावपर्यंत.

दुसऱ्या दिवशी सारी गावाहून देवरियाताल तलावापर्यंत ट्रेक.

तिसऱ्या दिवशी देवरियाताल ते ताळा गाव आणि बनियाकुंड अशी मोहीम.

चौथ्या दिवशी बनियाकुंड-चोपता-तुंगनाथ-चंद्रशिला मार्गे मुख्य ट्रेक आणि तेथून परतीचा प्रवास.

पाचव्या दिवशी प्रवासी पुन्हा ऋषिकेशला परत येतील.

ट्रेकर्ससाठी सुवर्णसंधी

IRCTC चे हे पॅकेज अॅडव्हेंचर, अध्यात्म आणि निसर्गाचा सुंदर संगम घडवते. पर्वतप्रेमी आणि तरुण ट्रेकर्ससाठी हा एक उत्कृष्ट पर्याय ठरू शकतो. अधिक माहितीसाठी आणि ऑनलाइन बुकिंगसाठी प्रवासी IRCTCच्या अधिकृत वेबसाइटवर भेट देऊ शकतात.