उल्हासनगर मराठी बातम्या | ulhasnagar, Latest News & Live Updates in Marathi | Marathi News (ताज्या मराठी बातम्या) at Lokmat.com

सदानंद नाईक, उल्हासनगर : निवडणूक आचारसंहिता भरारी पथकाने शुक्रवारी रात्री ९ वाजता धोबीघाट परिसरातून १ कोटी ८ लाखाची रोकड घेऊन जाणारी एसएमएस नावाचे वाहन जप्त केले. भरारी पथकाने उल्हासनगर पोलीस ठाण्याच्या ताब्यात वाहन दिले असून याप्रकरणी आयकर विभाग तपास करीत असल्याची माहिती सहायक निवडणूक निर्णय अधिकारी विजयानंद शर्मा यांनी दिली आहे. उल्हासनगरात कॅम्प नं-१, घोबीघाट परिसरात शुक्रवारी रात्री ९ वाजता एटीएमची रोकड वाहून नेणाऱ्या एका एसएसएम नावाच्या वाहनांची निवडणुक आचारसंहिता भरारी पथकाचे प्रमुख अजित घोरपडे, सहायक भरारी प्रमुख सचिन कदम आदींच्या पथकाने झाडाझडती घेतली असता, वाहनात १ कोटी ८ लाखाची रोकड सापडली. पथकाने रोकडबाबत वाहन चालकाला विचारणा केली असता, एटीएमची रोखड असल्याची माहिती त्याने दिली. मात्र त्याबाबत कोणताही पुरावा देऊ शकला नसल्याने, रोकडसह वाहन उल्हासनगर पोलीस ठाण्याच्या ताब्यात दिले. याबाबत सहायक निवडणूक निर्णय अधिकारी विजयानंद शर्मा यांनी आयकर विभागाला लेखी कळविले असून आयकर विभाग रोकडबाबत तपास करीत आहेत. लोकसभा निवडणूक आचारसंहिता काळात महापालिका शाळा क्रं-२९ मध्ये व अन्य ठिकाणी शिलाई मशीन व घरघंटी यंत्र वाटप प्रकारचा भांडाफोड झाला. महापालिका अधिकाऱ्यांच्या तक्रारीवरून मध्यवर्ती पोलीस ठाण्यात अज्ञात इसमावर गुन्हा दाखल झाला आहे. त्यापाठोपाठ १ कोटी ८ लाखाची रोकड आचारसंहिता भरारी पथकाने पकडल्याने, एकच खळबळ उडून रोकड कोणाची? असा प्रश्न विचारला जात आहे.

उल्हासनगरFOLLOW

Ulhasnagar, Latest Marathi News

या कारवाईमुळे रस्त्याने मोकळा श्वास घेतला असून वाहतूक कोंडीची समस्या निकाली निघणार आहे ...

६८ कोटीचा निधी भुयारी गटारीच्या कामामुळे गेल्या एका वर्षापासून पडून ...

धाडीत एका इसमाला रोख रक्कमेसह अटक केली असून इमारतीच्या वरच्या मजल्यावर कॉलेज आहे. ...

पाणी तुंबत असल्याने, साहित्याचे नुकसान होण्याची भीती व्यक्त केली जात आहे. ...

उल्हासनगरात बहुसंख्याने सिंधी समाज राहत असून सिंधी समाजातील सर्वात मोठा सण चेटीचंड आहे. ...

गंगोत्री हे कलानी विरोधक म्हणून प्रसिद्ध असून अजित पवार यांचे कट्टर समर्थक आहेत. ...

शेकडो नागरिक सहभागी झाले होते. ...

आयकर विभागाकडे तपास, वाहन पोलीस ठाण्यात. ...