शरद पवारFOLLOW

बारामती : सत्ताधाऱ्यांनी राज्यात महिला, मुलींसाठी लाडकी बहीण योजना जाहीर केली; पण त्या सुरक्षित नाहीत. आज तरुणांना शिक्षण घेऊनदेखील रोजगार नाही. शेतीमालाला भाव नाही. शेतकऱ्यांची अवस्था वाईट केली. महिला, युवक, शेतकऱ्यांची ही अवस्था असेल, तर मग सत्ताधारी राज्य कोणासाठी चालवतात, अशा शब्दांत राष्ट्रवादी काँग्रेसचे अध्यक्ष शरद पवार यांनी महायुती सरकारवर निशाणा साधला.बारामती येथे महाविकास आघाडीचे उमेदवार युगेंद्र पवार यांच्या प्रचारार्थ आयोजित सभेत शरद पवार बोलत होते. ते पुढे म्हणाले, लाडकी बहीण योजना जाहीर केली. महिला, मुलींचा जरूर सन्मान करा, पण आज राज्यात या बहिणींची काय अवस्था आहे. ज्यांच्या हातात सत्ता आहे, त्यांच्या काळात महिलांवरील अत्याचाराचे प्रमाण वाढले आहे. या अत्याचारीत मुली आणि महिलांची संख्या ६७ हजार ३८१ वर पोहोचली आहे. ६४ हजार मुली बेपत्ता आहेत. त्यांच्यासाठी सत्ताधाऱ्यांनी कोणती पावले टाकली, याचे उत्तर द्यावे, असेही पवार म्हणाले.बारामतीकरांमुळे मुख्यमंत्री पदावर काम करण्याची संधी मिळाली. त्या मुख्यमंत्री पदाच्या काळात राज्यात अनेक ठिकाणी एमआयडीसी सुरू करून मोठे उद्योग आणले. हजारो हातांना काम दिले. मात्र, आज सत्ताधाऱ्यांनी महाराष्ट्रात येणारे उद्योग गुजरातला नेले. देशाचा विचार न करणाऱ्या लोकांच्या हातात सत्ता द्यायची का, याचा विचार करा, असा टोला पवार यांनी पंतप्रधानांना लगावला.यावेळी खासदार सुप्रिया सुळे, डाॅ. अमोल कोल्हे, युगेंद्र पवार , उत्तम जानकर, सक्षणा सलगर यांची भाषणे झाली. यावेळी खासदार धैर्यशील पाटील, प्रतिभा पवार, श्रीनिवास पवार, पृथ्वीराज जाचक, शर्मिला पवार, रेवती सुळे, जगन्नाथ शेवाळे, आदी उपस्थित होते.फलकाने वेधले लक्षबारामती येथील सांगता सभेत ज्येष्ठ नेते शरद पवार यांच्या पत्नी प्रतिभा पवार, रेवती सुळे, शर्मिला पवार यांनी घेतलेल्या फलकाने सर्वांचे लक्ष वेधून घेतले. ‘जिकडं म्हातारं फिरतंय, तिकडं चांगभलं हुतंय’, अशा आशयाचा तो फलक होता. याशिवाय ‘कराल काय नाद परत’, ‘बापमाणूस’ अशा शरद पवार यांचे वर्णन करणाऱ्या फलकांनी सभेत अनेकांचे लक्ष वेधले.बारामती ओळख कोणामुळे हे सर्वांना माहीतकाही लोक सांगतात, मी काय करू, ही मोठी गमतीची गोष्ट आहे. १९६७ साली मला बारामतीकरांनी आमदार केलं. त्यानंतर २० वर्षं मी विविध काम केलं. मग अजितदादा पवार आले. त्यांना तीन वेळा उपमुख्यमंत्री, विविध पदे दिली. काम करण्याचे अधिकार दिले. त्यांनीही काम केलं. त्याबाबत माझी तक्रार नसल्याचे शरद पवार म्हणाले. कोठेही जा, देशाच्या कानाकोपऱ्यात बारामतीची ओळख कोणामुळे आहे ते सगळ्यांना माहीत आहे, ती परंपरा चालू ठेवण्यासाठी आता नव्या पिढीकडे सूत्रं सोपवा, असं म्हणत शरद पवारांनी युगेंद्र पवारांना विजयी करण्याचं आवाहन केले.

लाईव्ह न्यूज :

तेलासाठी जागतिक 'खेला'

मोदी Vs. दीदी... कोण जिंकणार?

विधान परिषदेवर कोण जाणार?

सूर्य आग ओकतोय....

IPL 2026

CM देवेंद्र फडणवीस

डोनाल्ड ट्रम्प

लोकमत ई-पेपर

शहरं

मनोरंजन

व्हिडीओ

शरद पवारFOLLOW

Read more

महाराष्ट्र : राष्ट्रवादी शरदचंद्र पवार गटाचे ८७ शिलेदार; वाचा संपूर्ण यादी, एकाच क्लिकमध्ये

महाराष्ट्र : या वयात इतके खोटं बोलायचे नसतं; शरद पवारांच्या आरोपांना फडणवीसांचे प्रत्युत्तर

महाराष्ट्र : Maharashtra Election 2024: दोन ठिकाणी 'राष्ट्रवादी'तच सामना; काका की पुतण्या, कोण ठरणार भारी?

महाराष्ट्र : ...अन् नवी कोरी स्कोडा आबांच्या घरी पाठवली; अजितदादा अन् आबांमध्ये लागली होती पैज

महाराष्ट्र : केसाने गळा कापण्याचं काम आबांनी केलं; अजित पवारांचा गौप्यस्फोट, नेमकं काय घडलं?

सोलापूर : अखेर माढ्यात अजित पवारांचा उमेदवार ठरला; अभिजीत पाटलांना टक्कर देण्यासाठी नव्या चेहऱ्याला संधी!

महाराष्ट्र : चार महिन्यांनी पद मिळाले असते, म्हणून घरच मोडायचे का? शरद पवारांचा अजितदादांबाबत दावा, प्रत्यूत्तर

राजकारण : साहेब येतील, डोळ्यात पाणी आणतील आणि..., शरद पवारांनी उडवली अजित पवारांची खिल्ली

महाराष्ट्र : “बारामती फक्त शरद पवारांना कळते”; युगेंद्र पवारांच्या सभेत सुप्रिया सुळेंची अजितदादांवर टीका

सांगली : मी केलं तर ती चूक आणि इतरांनी केलं तर ते बरोबर; अजित पवारांचा शरद पवारांना टोला