पोलिस मराठी बातम्या | Police, Latest News & Live Updates in Marathi | Marathi News (ताज्या मराठी बातम्या) at Lokmat.com

पुणे : छत्रपती शिवरायांचे जन्मस्थळ शिवनेरी किल्ल्यावर शिवजयंतीनिमित्त यावर्षी मोठ्या प्रमाणात गर्दी उसळली. राज्यभरातून शिवज्योत घेऊन येणारे युवक, विविध संघटनांचे कार्यकर्ते तसेच शिवभक्त दर्शनासाठी मोठ्या संख्येने गडावर दाखल झाले होते. रात्रीपासूनच गड परिसरात उत्साहाचे आणि जल्लोषाचे वातावरण आहे. वाढत्या गर्दीमुळे काही काळ तणावपूर्ण परिस्थिती निर्माण झाल्याची माहिती समोर आली. पहाटेच्या सुमारास शिवनेरी किल्ल्यावर चेंगराचेंगरी झाल्याचे वृत्त पसरले होते. मात्र या संदर्भात पुणे ग्रामीणचे पोलीस अधीक्षक संदीप सिंग गिल यांनी स्पष्टीकरण दिले आहे.पोलीस अधीक्षक संदीप सिंग गिल यांनी सांगितले की, पहाटे साडेतीनच्या सुमारास शिवभक्तांचा एक जथा शिवज्योत घेऊन गडावर दाखल झाला. ज्योत घेऊन काही युवक वेगाने पुढे सरकत होते. यावेळी मीना दरवाजाजवळ बंदोबस्तासाठी तैनात पोलिसांनी त्यांना हळू जाण्याचे आवाहन केले. यावेळी गर्दीमुळे तिघेजण घसरून खाली पडले. या घटनेत त्यांना किरकोळ दुखापत झाली असून कोणतीही गंभीर जखम किंवा मोठी दुर्घटना घडलेली नाही.शिवजयंतीच्या पार्श्वभूमीवर आधीपासूनच पुरेसा पोलीस बंदोबस्त तैनात करण्यात आला होता. घटनेनंतर अतिरिक्त खबरदारी घेण्यात आली असून शिवभक्तांना टप्प्याटप्प्याने गडावर प्रवेश दिला जात आहे. तसेच गडावरून खाली उतरताना धावाधाव करू नये, शिस्त पाळावी आणि प्रशासनाला सहकार्य करावे, असे आवाहनही संदीप सिंग गिल यांनी केले आहे.

पोलिसFOLLOW

Police, Latest Marathi News

वडिलांच्या मृत्यूच्या तिसऱ्या दिवशी हा प्रकार घडल्याने कुटुंबाला बसला धक्का ...

Baba Bangali Arrested: रेल्वे डब्यात स्टिकर चिटकविणाऱ्या बंगाली बाबाला अटक केल्याची घटना समोर आली आहे. ...

शहापूर येथील घटना : तिघांवर गुन्हा दाखल करून घेतले ताब्यात ...

भाडेकरू म्हणून राहायला आलेल्या राठोड यांनी शेजारच्या दाम्पत्याकडे गृहोपयोगी साहित्य आणि भांडी दिली होती. ...