पीएमपीएमएल ताज्या मराठी बातम्या | PMPML Online News in Marathi at Lokmat.com

पुणे : पुणे शहराची एकमेव वाहतूक व्यवस्था असलेली पीएमपी या ना त्या कारणाने नेहमीच चर्चेत असते. मार्गावर ब्रेकडाऊनचे प्रमाण कायम असतानाच आज निगडीवरून कात्रजला जाणाऱ्या बसचे बीआरटीचे दरवाजे उघडे असल्याने प्रवाशांच्या जिवाला धोका निर्माण झाला होता. या बसमध्ये मोठ्याप्रमाणावर गर्दी असल्याने एखाद्याचा धक्का लागून चालत्या बसमधून कोणी पडले असते तर एखाद्याला आपला जीव गमवावा लागला असता. त्यामुळे पीएमपी प्रशासन बसची देखभाल-दुरुस्ती वेळेवर करणार का, असा प्रश्न प्रवासी विचारत आहेत.निगडीवरून कात्रजकडे जाणारी ४२ क्रमांकाच्या एका बसचे बीआरटीच्या बाजूला असणारे दरवाजे उघडे होते. निगडी ते कात्रज हा महत्त्वाचा मार्ग असल्याने या बसला गर्दी होती. बीआरटीचे दार उघडे असल्याने अनेक प्रवासी हे या दारांमध्ये उभे होते. काहीतर बाहेर डोकावून सुद्धा पाहत होते. बस वेगात असताना एखाद्याचा धक्का लागून प्रवासी खाली पडला असता तर त्याचा जीव जाण्याची शक्यता होती. बस अनेकदा वेगात असताना खड्ड्यात आदळते. किंवा स्पीड ब्रेकरवरुनही बस जाताना मोठे हादरे बसत असतात अशात हे दरवाजे उघडे असल्याने अपघात घडण्याची शक्यता अधिक होती. या दरवाज्यांच्या बाजूला काही तरुणीसुद्धा उभ्या होत्या. या बसमधील प्रवाशांना आपला जीव मुठीत घेऊनच प्रवास करावा लागत होता. पीएमपी बसेसची अनेकदा देखभाल योग्य प्रकारे केली जात नाही. त्यातही खासगी कंत्राटदार हे बसेसच्या देखभालीकडे दुर्लक्ष करत असतात. त्यामुळे बसेस मार्गावर बंद पडणे. बीआरटीचे दरवाजे काम न करणे अशा अनेक समस्या रोज निर्माण होत असतात. त्यामुळे प्रवाशांना मोठा मनस्ताप सहन करावा लागत असतो. त्यातच इतर शहरांच्या तुलनेत प्रवासी भाडे अधिक असल्याने अनेक नागरिक हे स्वत:च्या वाहनाचा उपयोग करतात.पीएमपी प्रशासन एकीकडे नागरिकांना जास्तीत जास्त सार्वजनिक वाहतुकीचा वापर करण्याबाबत आवाहन करत असते. तर दुसरीकडे प्रवाशांना योग्य त्या सोयीसुविधा देण्यास कमी पडत असल्याचे चित्र आहे. त्याचबरोबर धोकादायक वाहतूक करणाºया खासगी वाहनांवर पोलीस प्रशासन जशी कारवाई करत असते तशीच कारवाई पीएमपीवर करणार का, असा सवालही आता सर्वसामान्य विचारत आहेत.

पीएमपीएमएल, मराठी बातम्याFOLLOW

Pmpml, Latest Marathi News

सक्षम अधिकारी ठरले तारणहार : तरी यंदाच्या वर्षी २०४.६२ कोटींचा तोटा ...

दरवाजांची उघडझाप होईना : अधिकारी-कर्मचाऱ्यांकडून दुरुस्तीसाठी प्रयत्न ...

‘पीएमपी’ प्रयत्नशील : ठेकेदारांनी आणले जेरीस; पाच मार्गावर बसही मिळेना ...

दापोडी-निगडी मार्ग : महामेट्रोच्या कामाने ठिकठिकाणी बसला अडथळ्यांंची शर्यत ...

महापालिका, पोलिसांकडून सूचना : पीएमपी प्रशासनाला दिले आदेश ...

निगडी-कात्रज बीआरटी बस : दरवाजे उघडे राहिल्याने धोका ...