मुंबईFOLLOW

मुंबई : अनलॉक सुरु झाले असले तरी अद्याप मुंबईत अनेक घटकांवर निर्बंध आहेत. परिणामी काही प्रमाणात असलेले ढगाळ आकाश आणि कोरोना काळातील अडचणी लक्षात घेता रविवारचे सूर्यग्रहण मुंबईकरांना पाहता येईल की नाही? याबाबत थोडी सांशकता होती. मात्र हवामानाने साथ दिली आणि ढगाळ हवामान हटले. शिवाय सूर्यग्रहण पाहण्यासाठी अनेक मुंबईकरांनी गच्चीसह बाल्कनी आणि राहत्या वस्तीलगतची मोकळी जागा निवडत तब्बल दिड एक तास सूर्यग्रहण पाहण्याचा आनंद लुटला. ज्यांना बाहेर पडणे शक्य नव्हते अशांनी अनेक विज्ञानाशी निगडीत संकेतस्थळावर सूर्यग्रहणाचे थेट प्रक्षेपण पाहिले. तर अनेकांनी वृत्तवाहिन्यांच्या माध्यमातून ठिकठिकाणी होत असलेले सूर्यग्रहणाचे थेट प्रक्षेपण पाहिले.रविवारी सकाळी दहा साडे दहा वाजल्यापासून सुरु झालेले सूर्यग्रहण दुपारी पावणे दोन वाजेपर्यंत पाहत येत होते. उत्तर भारतात कंकणाकृती तर उर्वरित भारतात खंडग्रास सूर्यग्रहण पाहता आले. हवामान खात्याने वर्तविल्याप्रमाणे सकाळी काळ मुंबईवर ढग दाटून आले होते. तर ग्रहण सुरु झाल्यापासून पावसाच्या दोन ते तीन मोठया सरीदेखील आल्या होत्या. मात्र पावसाचे हे वातावरण मात्र फार काही काळ टिकले नाही. विशेषत: सकाळी साडे अकरा ते दुपारी बारावाजेपर्यंत मुंबईत आकाश मोकळे झाले; आणि बहुतांश मुंबईकरांनी गच्चीवरून, राहत्या वस्तीलगतच्या मोकळ्या जागेतून खबरदारीचे उपाय बाळगत ग्रहण पाहण्याचा मनमुरात आनंद लुटला. यामध्ये लहान मुलांपासून ज्येष्ठ नागरिकांचा समावेश होता.वरळी येथील नेहरु विज्ञान केंद्राच्या माध्यमातूनदेखील ग्रहण पाहता यावे यासाठी विशेषत: व्यवस्था करण्यात आली. मुंबई शहर आणि उपनगरातून बहुतांश नागरिक ग्रहणाचा आनंद लुटण्यासाठी नेहरु विज्ञान केंद्र येथे दाखल झाले होते, अशी माहिती केंद्राकडून देण्यात आली. तर दुसरीकडे महाराष्ट्र अंधश्रध्दा निर्मुलन समितीतर्फेदेखील मुंबई शहर आणि उपनगरात ग्रहणाबाबतचे कार्यक्रम आयोजित करण्यात आले होते. प्रभादेवी, लालबाग, शिवडी, जोगेश्वरी, दहिसर या ठिकाणी झालेल्या कार्यक्रमात लहान मुलांपासून ज्येष्ठ नागरिकांनी सहभाग घेतला होता. विशेषत: जोगेश्वरी येथे ज्येष्ठ नागरिक प्रभाताई पुरोहित यांनी समितीच्या माध्यमातून ग्रहण पाहिले. ग्रहणात काही खाऊ नये. पिऊ नये. ही अंधश्रध्दा दूर करण्यासाठी प्रभादेवी येथील प्रभादेवी हाऊसिंग सोसायटीमध्ये देखील कार्यक्रमाचे आयोजन करण्यात आले, अशी माहिती समितीकडून देण्यात आली. शिवाय जेथे ढगाळ वातावरण होते; तेथील नागरिकांना ग्रहण पाहता यावे यासाठी फेसबुक लाइव्हद्वारे ग्रहण दाखविण्यात आले. एकंदर अनेक अडथळे दूर करत मुंबईकरांनी रविवारी झालेले सूर्यग्रहण विविध माध्यमातून पाहिल्याचे चित्र होते.

लाईव्ह न्यूज :

बंडखोरी.. माघारी.. बिनविरोध विजयी

ठाकरेंचा वचननामा येणार...

CM फडणवीसांची 'फोनाफोनी'

एकनाथ शिंदे मैदानात

अजितदादांचे 'वादग्रस्त' उमेदवार

२०२६ चं वार्षिक राशीभविष्य

काँग्रेसला 'वंचित'चा धक्का

PM नरेंद्र मोदी

लोकमत ई-पेपर

शहरं

मनोरंजन

व्हिडीओ

मुंबईFOLLOW

Read more

मुंबई : राष्ट्रीय तंबाखू नियंत्रण कार्यक्रमाची राज्यात यशस्वी अंमलबजावणी

मुंबई : कोळीवाड्यांसाठी शिवसेना होणार आक्रमक

मुंबई : धावपट्टीच्या दुरुस्तीमुळे विमान वाहतूक मंदावली

मुंबई : खार पोलीस करणार शाळकरी बसेसचे सर्वेक्षण

महाराष्ट्र : उत्तर मुंबई मतदारसंघ : गोपाळांना रोखण्यास गोंविदाचा शोध, भाजपासाठी अनुकूल मतदारसंघ

मुंबई : बनावट जातप्रमाणपत्र सादर करणाऱ्या नगरसेवकांना अभय, माहिती अधिकारात उघड

मुंबई : सोसायट्यांमध्ये माघी गणेशोत्सवाचे मंगलमय वातावरण, गणेश मंडळांची संख्या वाढली

मुंबई : सांस्कृतिक दहशतवादविरोधी सत्यशोधक विचार परिषद

मुंबई : मुंबई विद्यापीठाच्या सिद्धीची सुवर्णभरारी

मुंबई : कामगारांनो, मोदी सरकारविरोधात मतदान करा; कामगार संघटना कृती समितीचा निर्धार